Mateu 13:38 - Tshwa Bible

³⁸ a simu hi tiko; a mbewu yi nene hi vana va mufumo; ni nyasavari hi Vana va loyi wa kubiha; Gen. 3:15; Lu. 24:47; Miti. 13:10

Mateu 13:38 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Tisimu 22:30

A vazukulu vabye va ta mu tirela; A xizukulwana leʼxi ta ngata xi ta byeliwa hi Hosi.

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Hosea 2:23

Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10

Mateu 13:19

Laha munhu a zwako a mhaka ya mufumo a nga yi pimi, kuta kakwe loyi wa kubiha, a ta wutla lexi xi xwanyilweko lomo mbilwini yakwe. Loyi hi yena a xwanyilweko ndleleni.

Mateu 24:14

A ivangeli leyi ya mufumo yi ta kanetwa misaveni yontlhe, kasi yiva wukustumunyu ka matiko wontihe; hi kona ku ta nga chikela a kugumesa. Xip. 4:23; Rom. 10:18; Kol. 1:6, 23

Mateu 5:37

Kanilezi kuwulawuleni ka nwina, loku muku, Ina, a kuve ina; a Ahihi ava ahihi; kani hi xihi xa ku hunza lezi xita hi ka loyi wa kubiha. Kol. 4:6; Jak. 5:12 Ku ti photela.

Mateu 8:12

kanilezi a vanana va mufumo va ta hlongolwa lahandle le munyameni; laha mikosi yi ta ngava kona ni kugetsela ka meno. Xip. 21:43; 13:42, 50; Lu. 13:28

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Johani 12:24

Hizinene nziku ka nwina: Loku a mbewu ya mavele yi ngawi misaveni yifa, yi ta tshama yoce; kanilezi loku yifa, ya pswala nguvu. 1 Kor. 15:36

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Va le Roma 10:18

Kanilezi nzi ngalo: A va yi zwangi ke? Ina, va zwile. A kuwulawula kabye ku zwele misaveni yontlhe, Ni timhaka tabye ti chikele ni le magemetamusi. Tis. 19:4; Mat. 24:14

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

Va le Kolosi 1:6

leyi yi tileko ka nwina, kota lezi yi tileko matikweni wontihe, yi ta pswala mihanzu ni ku anza ka wona, kota lezi yi mahako ka nwina kambe, kusukela a siku legi mu nga yizwa, ma tiva a tipswalo ta Nungungulu hi zinene, Mat. 24:14; Joh. 15:16; 2 Kor. 6:1; Efe. 3:2; Tit. 2:11

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

1 Pedro 1:23

Nwina mu belekilwe luswa hi mbewu yi nga boliko, na ku nga hi leyi yi bolako; mu belekilwe hi mhaka ya Nungungulu, leyi yi hanyako yiku tsoma. Joh. 8:5

1 Johani 3:2

Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21

Kuvululelwa 14:6

Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.