Mateu 13:23 - Tshwa Bible

²³ Kanilezi loyi a nga xwanyiwa misaveni yo saseka, hi yena loyi a zwako mhaka, a yi pima; yena wa pswala mihanzu, a munwani i pswala hi 100, a munwani hi 60, ni munwani hi 30.

Mateu 13:23 Mawu Ofanana

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

Ezekieli 36:26

Nzi ta mu nyika a mbilu yiswa, nzi mu chela a moya muswa. Nzi ta susa ambilu ya ribye nyameni ya nwina, nzi mu nyika a mbilu ya nyama. Jer. 31:33; 32:39; Maheb. 10:16

Mateu 12:33

Wulani lezaku a sinya yi nene, ni mihanzu ya yona yi nene; kutani lezaku a sinya yi bihile, ni mihanzu ya yona yi bihile; hakuva a sinya yi tibyiwa hi mihanzu ya yona.

Mateu 13:8

Kanilezi tinwani ti lo wela misaveni yo saseka, ti pswala mihanzu; a tinwani ti lo pswala hi 100, tinwani hi 60, tinwani hi 30.

Mateu 3:10

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi neno ti ta tsemiwa, ti hoxiwa nzilweni. Xip. 7:19; Lu. 13:7, 9; Joh. 15:6

Mateu 3:8

Hikwalaho humesani mihanzu yi kombisako kuhunzuluka.

Marku 10:15

Hizinene nziku ka nwina: Loyi a nga amukeliko a mufumo wa Nungungulu kota nwanana, cima a nga ta enghena ka wona. Mat. 18:3

Marku 4:20

Kanilezi lava va xwanyilweko misaveni yo saseka, hi lava va zwako a mhaka, va yi amukela, va pswala mihanzu hi ka 30, hi 60, na hi 100.

Luka 13:9

kutani wu ta pswala mihanzu ha nwakani; kanilezi loku wu nga pswali u ta wu tsema.

Luka 8:15

Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.

Luka 8:8

Kanilezi a tinwani ti lo wela misaveni yo saseka, ti kula, ti pswala hi ka 100. Loku a wulile lezo, i lo vitana, aku: Loyi a nga ni tindleve ta kuzwa, ngha a ingisa.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Johani 8:47

Loyi a nga wa ka Nungungulu, wazwa a timhaka ta Nungungulu; nwina a mu ti ingisi, hakuva a mu va ka Nungungulu. Xip. 10:26; 1 Joh. 4:6

Mitiro 16:14

A wasati a nga hi Lidia a vito gakwe, a muxavisi wa ziwunguwungu, wa le mutini wa Tuatira, loyi a chavako Nungungulu, i lo hizwa; zonake a Hosi yi lo mu vulula mbilu lezaku a ingisa lezi zi nga kanelwa hi Paule. Lu. 24:45

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

2 Va le Korinte 9:10

Loyi a nyikako mbewu ka muxwanyi, a muha ni zakuga, i ta mu nyika a mbewu ku xwanya, a yi anzisa, ni ku enzelekisa a mihanzu ya kululama ka nwina, Isa. 55:10; Hos. 10:12; Mal. 6:1

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Filipi 4:17

A hi lezaku nzi lava zinyikiwo; kanilezi nzi lava a mihanzu leyi yi talelako nwina hi kota ya zona. Rom. 15:28

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

Va le Kolosi 1:6

leyi yi tileko ka nwina, kota lezi yi tileko matikweni wontihe, yi ta pswala mihanzu ni ku anza ka wona, kota lezi yi mahako ka nwina kambe, kusukela a siku legi mu nga yizwa, ma tiva a tipswalo ta Nungungulu hi zinene, Mat. 24:14; Joh. 15:16; 2 Kor. 6:1; Efe. 3:2; Tit. 2:11

1 Va le Tesalonika 4:1

Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10

2 Va le Tesalonika 2:10

a hi ni kukanganyisa kontlhe ku nga lulamangiko, kasi ku khohlisa lava va lovako; hakuva a va vumelangi ni ku ranza zinene, lezi zi nga va hanyisako. 2 Kor. 2:15; 4:3

Maheberu 4:2

Hakuva na hinawu hi kanelelwe a ivangeli, khwatsi hi vona; kanilezi vona, a mhaka leyi va nga yizwa a yi va vunangi nchumu, hakuva lava va nga yizwa a va yi amukelangi hi kukholwa.

Maheberu 6:7

Hakuva a misava leyi yi nwako a vula leyi yi nako kanyingi hehla ka yona, loku yi milisa a zibyalo zi vunako lava yi rimelweko vona, yona misava yi katekiswa hi Nungungulu.

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3