Mateu 13:11 - Tshwa Bible

¹¹ I lo hlamula aku ngalo kabye: Hakuva nwina mu nyikilwe ku tiva mifihlakalo ya mufumo wa tilo, kanilezi vena a va nyikiwangi. Xip. 11:25; Mar. 4:11; 1 Kor. 2:10

Mateu 13:11 Mawu Ofanana

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 29:11

Yontlhe miwoniso yi mahile ka nwina kukotisa timhaka ta bhuku gi lemilweko, legi gi nyikiwako ka munhu loyi a tivako ku gonza, vaku: Maha wuxinji, u gonza bhuku legi; yena a hlamula, aku: A nzi zi koti hakuva gi lemilwe. Kuv. 5:1

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Mateu 13:10

A vapizani va lo tshinela, vaku kakwe: Hi yini u wulawulako kabye hi mifananiso ke?

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Mateu 19:11

Kanilezi i te ngalo kabye; A hi vanhu vontlhe va zi kotako ku amukela mhaka leyi, ntsena lava ku nyikilweko kabye.

Mateu 20:23

Aku ngalo kabye: Hakunene a gombe ga mina mu ta ginwa; kanilezi a nzi na ntamu ku mu tshamisa reveni ga mina ga xinene ni ga xibhabha; zi lumba lava ku longiselelweko vona hi Dadani. Xip. 25:34; Miti. 12:2

Marku 10:40

kanilezi a ku tshama canjeni ga mina ga xinene, kutani canjeni ga mina ga xibhabha a hi mina nzi nga nyikako, kanilezi zi tava ka lava zi longiselelweko vona.

Marku 4:11

I te ngalo kabye: A ka nwina ku nyikilwe ku tiva a mifihlakalo ya mufumo wa Nungungulu; kanilezi lava va nga lehandle va tivisiwa timhaka tontlhe hi mifananiso;

Luka 8:10

I te ngalo kabye: Nwina mu nyikilwe ku tiva mifihlakalo ya mufumo wa Nungungulu; kanilezi a ka vanwani ku nyikiwa hi mifananiso, kasi hi ku wona va nga woni, hambu vazwa, va nga zi pimi. Isa. 6:9; Mar. 4:12

Johani 6:65

Aku ngalo: Hi kota ya lexi nzi wa te ngalo ka nwina: A ku na munhu a zi kotako kuta ka mina, loku a nga nyikiwi hi Dadani. Mavesi 44, 45

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Mitiro 16:14

A wasati a nga hi Lidia a vito gakwe, a muxavisi wa ziwunguwungu, wa le mutini wa Tuatira, loyi a chavako Nungungulu, i lo hizwa; zonake a Hosi yi lo mu vulula mbilu lezaku a ingisa lezi zi nga kanelwa hi Paule. Lu. 24:45

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Va le Roma 16:25

A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, Xip. 2:16; 1 Kor. 2:7; Efe. 3:3, 5; Kol. 1:27

1 Va le Korinte 13:2

Ni loku, nzi hi ni xinyikiwo xa kuprofeta, nzi tiva mifihlakalo yontlhe ni kutiva kontlhe; hambu nzi hi ni kukholwa kontlhe lezaku nzi kunula ni zitsunga, loku nzi nga hi na liranzo a nzi nchumu. Mat. 7:22; Lu. 17:6

1 Va le Korinte 15:51

Langutani, nza mu byela fihlakalo waku ngalo: Hi nga ta etlela hontlhe, kanilezi hina hontlhe hi ta hunzuluswa xiyimo Fil. 3:21; 1 Tes. 4:15

1 Va le Korinte 2:14

Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19

1 Va le Korinte 2:7

Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. Rom. 16:25; 2 Tim. 1:9

1 Va le Korinte 4:1

Ngha na vanhu va wula ha hina lezaku hi malanza ya Kristu, ni tinekwa ta mifihlakalo ya Nungungulu. Lu. 12:42

1 Va le Korinte 4:7

Hakuva himani a ku mahako a kuva chukwana? Xini lexi u nga naxo lexi u nga nyikiwangiko ke? Kanilezi loku wena u lo xi amukela, u dzunzekela yini a ku khwatsi a ku lo xi amukela ke? Joh. 3:27; 1 Ped. 4:10

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Va le Efesusi 1:9

I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9

Va le Efesusi 5:32

A fihlakalo lowu ngwa hombe; kanilezi nza wulawula hi xungetano na Kristu ni bandla.

Va le Efesusi 6:19

Nzi khongeleleni na minawu, lezaku kasi nza nyikwa magezu loku nzi ahlama nomu wa mina, nzi kanela a fihlakalo wa ivangeli hi kutiya,

Va le Kolosi 2:2

lezaku a timbilu tabye ti fela a ku tangaliswa, vona na va te gwa liranzweni, va amukela a kutala ka kupimisisa ku tiyileko, lezaku va fela ku tiva a fihlakalo wa Nungungulu, wu nga yena Kristu, 2 Kor. 1:6; 2 Ped. 3:18

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

1 Timote 3:9

kanilezi va hi vo hlayisa a fihlakalo wa kukholwa hi livalo li nene.

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10