Mateu 12:35 - Tshwa Bible

³⁵ A munhu nene wa humesa a zilo zi nene tshombeni yakwe ya yinene; ni munhu wa kubiha wa humesa zilo za kubiha tshombeni yakwe ya kubiha.

Mateu 12:35 Mawu Ofanana

Joba 8:10

Kanilezi vona va ta ku gonzisa, va ku byela, Va humesa timhaka leti hi timbilwini tabye:

Mavingu 12:6

A timhaka ta va kubiha ti ongozela nkhata; anilezi a nomu wa valulamileko wu ta va tlhatlhisa.

Mavingu 15:23

A munhu i kuma kutsaka hi hlamulo wa nomu wakwe; i nanzihisa kuyini a mhaka yi wuliwako hi xikhati xa yona!

Mavingu 15:28

A mbilu ya loyi a lulamileko yi alakanya na yi nga se hlamula; anilezi a nomu wa munhu wo biha wu chulula manyala.

Mavingu 15:4

A lirimi li mbheleleko i sinya ya wutomi; anilezi loku li bihile li goha muhefemulo.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 13:52

Aku ngalo kabye: Makunu kani hi wihi mutsali loyi a gonzisilweko hi za mufumo wa tilo i fanana ni munhu loyi a nga nwinyi wa yindlu, loyi a humesako mabakweni yakwe a zilo ziswa ni zilo za kale.

Mateu 7:17

Zinghaho ni tisinya tontlhe to saseka ti pswala mihanzu yo nanziha; kanilezi a sinya yo biha yi pswala mihanzu ya kubiha.

Luka 6:45

A munhu nene wa humesa a zilo zi nene tshombeni yinene ya mbilu yakwe; ni munhu wa kubiha wa humesa zilo za kubiha, tshombeni yakwe ya kubiha; hakuva a nomu wakwe wu wulawula hi lezi mbilu yi teleko ha zona. Mat. 12:34, 35

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Va le Kolosi 4:6

Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. Mutsa. 10:12; Mar. 9:50; 1 Ped. 3:15