Mateu 10:37 - Tshwa Bible

³⁷ Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.

Mateu 10:37 Mawu Ofanana

Genesisi 21:11

A gezu lego gi lo mu tsanwisa nguvu Abrahama hi kota ya nʼwana wakwe.

Zakaria 13:3

Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Mateu 22:37

I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27

Mateu 22:8

Zonake yiku ka malanza ya yona: A mubuzo wu longile, kanilezi lava va nga rambilwe va wa nga faneli. Xip. 10:11, 13; Miti. 13:46

Luka 14:26

Loku a munhu ata ka mina, na a nga vengi a raru wakwe, ni nyine, ni sati, ni vana, ni vanakulobye, ni vamakabye, ina, hambu ni kuhanya kakwe, a nga zi koti ku maha mupizani wa mina. Xip. 16:13

Luka 20:35

kanilezi lava va ta nga vumelwa ku wona a xikhati xi tako, ni kuvuka hi ka vafileko, va nga ha ta teka, hambu ni ku tekiwa;

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Deuteronome 33:9

Loyi a nga ku ngalo hi dadani wakwe ni mamani wakwe: A nzi va wonangi! Loyi a nga tivangiko vamakabye vakwe, Loyi a nga khataleliko a vanana vakwe, Kasi va hlayisa a gezu ga wena. Va chivirikela xivumelwano xa wena. Ekso. 32:25; Mat. 10:37; Lu. 14:26

Kuvululelwa 3:4

Kanilezi wa ha hi navo a vanwani le Sardisi lava va nga kala ku nyenyezisa tinguwo tabye; va ta famba na mina na va ambele zo basa, hakuva va fanele lezo. Miti. 1:15; Juda 23; Xip. 6:11

1 Samueli 2:29

Hi kuyini mu kanzihelako a miphahlelo ya mina ni minyikelo ya mina, lezi nzi leleteleko a kuva zi nyikelwa lomu ndlwini ya mina ke? U dzunzile a vana va wena ku hunza mina, mu ti kulukisa hi milangelwa ya minyikelo yontlhe ya vanhu va mina va ka Israeli.