Mateu 10:2 - Tshwa Bible

² A mavito ya vapostoli va khume ni vambiri hi lawa: A wo ranga hi Simoni, a vitwako Pedro, na Andreu nakulobye; na Jakobe a nʼwana Zabedi, na Johani nakulobye; Joh. 1:42

Mateu 10:2 Mawu Ofanana

Mateu 17:1

Anzhako ka ntlhanu wa masiku ni ginwe Jesu i lo teka zinwe naye Pedro, na Jakobe, ni nakulobye Johani, aya navo xitsungeni na va hi voce. Mar. 9:2; Lu. 9:28

Mateu 20:20

Zonake ku lota ka yena a nyine wa vana va Zabedi zinwe ni vana vakwe, a ta mu khizamela a mu byela xikombelo xakwe. Xip. 4:21; Mar. 10:35

Mateu 26:37

Yena i lo teka Pedro ni vana vambiri va Zabedi, a sangula ku xaniseka ni ku karateka nguvu.

Mateu 4:18

Na kari a famba fungwini wa bimbi ga Galilea, i lo wona vavanuna vambiri, Simoni loyi a vitwako Pedro, ni nakulobye Andreu, na va peta likoka bimbini, hakuva va wa hi vakukuti. Mar. 1:16-18; Joh. 1:42

Mateu 4:21

Na a ha suka hi kwalaho i lo wona vanwani vavanuna vambiri, Jakobe nʼwana Zabedi, ni nakulobye Johani, va nga tshamile ngalaveni zinwe ni raru wabye, na va rungetela tikoka tabye; i lo va vitana. Mar. 1:19, 20; Lu. 5:10

Marku 1:29

Kota lezi va nga humile sinagogeni, va loya ndlwini ya Simoni na Andreu, zinwe na Jakobe na Johani. Mat. 8:14; Lu. 4:38

Marku 13:3

Laha na a tshamile xitsungeni xa maOliva ngomama ni tempeli, Pedro na Jakobe na Johani na Andreu va lo mu wutisa na va hi voce,

Marku 6:30

A vapostoli va lo tsombana ka Jesu, va mu hlawutela zontlhe lezi va zi mahileko, ni zontlhe lezi va zi gonzisileko vanhu. Lu. 9:10

Luka 11:49

Hikwalaho a wutlhari ga Nungungulu gi wulile lezaku: Nzi ta va rumela a vaprofeti ni vapostoli, vanwani va vona va ta va daya, va xanisa vanwani; Mat. 23:34

Luka 22:14

Laha na xi chikele a xikhati, i lo tshama kugeni zinwe ni vapostoli. Mat. 26:20; Mar. 14:32; Joh. 18:1

Luka 22:8

Jesu i lo ruma Pedro na Johani, aku: Fambani mu ya hi longisela a pasika, kasi hi fela kuga.

Luka 5:10

Zi wa hi nghaho ha Jakobe na Johani, a vana va Zabedi, lava va nga hlengele na Simoni ntirweni. Jesu aku ka Simoni: U nga chavi; hakuva ku sukela lezi u ta kukuta vanhu. Mat. 4:19; Mar. 1:17

Luka 9:10

Laha a vapostoli va nga wuyile va lo mu hlawutela hi lezi va nga wa zi mahile; zonake i lo va yisa xihundleni, aya navo mutini wu tibyako Betsaida. Mat. 14:13; Mar. 6:30

Johani 12:22

Filipu i lo ya byela Andreu; Andreu na Filipu va ya byela Jesu.

Johani 13:23

Kwalaho mezeni a munwe wa vapizani vakwe i wa khegele xifuveni xa Jesu, hi loyi Jesu a nga mu ranza. Xip. 19:26; 20:2

Johani 20:2

I lo tsutsuma aya ka Simoni Pedro, ni ka munwani mupizani loyi a nga kari a ranziwa hi Jesu, aku ngalo kabye: Va yi susile Hosi nkeleni, a hi ku tivi laha va yi vekileko kona. Xip. 13:23; 19:26; 21:7, 20, 24

Johani 21:2

Va wa hi wutshamu ginwe Simoni Pedro, na Tomasi a vitwako Didimusi, na Nataneli wa le Kana wa Galilea, ni vana va Zabedi, ni vanwani vambiri va vapizani vakwe. Mat. 4:21; Xip. 1:45

Johani 21:20

Pedro i lo hunzuluka, a wona a mupizani loyi Jesu a nga mu ranza, na a kari a va lanza; hi loye a nga khegele xifuveni xakwe laha kugeni, a mu wutisa aku: Hosi, himani a ku nyikelako ke? Xip. 13:23, 25; 20:2

Johani 21:24

Hi yena mupizani loyi a mahako wukustumunyu ga timhaka leti, a engeta a ti tsala; ha zi tiva ku a wukustumunyu gakwe gi nene. Xip. 19:35; 3 Joh. 12

Johani 6:67

Zonake Jesu i te ngalo ka vakhume ni vambiri: Nwinawu mu lava ku suka ke?

Johani 6:70

Jesu i lo va hlamula, aku: Xana a nzi mu hlawulangi, nwina vakhume ni vambiri ke? Hambu zi hi tano a munwe wa nwina i dimoni. Lu. 6:13; Xip. 13:27

Johani 6:71

I lo wula hi Judasi Iskarioti, nʼwana Simoni, hakuva ku wa hi yena a ta nga mu tokometa, na a hi munwe wa vakhume ni vambiri.

Johani 6:8

Munwe wa vapizani vakwe, Andreu nakulobye wa Simoni Pedro, aku kakwe:

Mitiro 1:13

Laha va nga chikele kona, va lo kanziha ndlwini ya le xitezi, laha va nga kari va tshama kona va Pedro, na Johani, na Jakobe, na Andreu, na Filipu, na Tomasi, na Bartolomeu, na Mateu, na Jakobe nʼwana Alfeu, na Simoni mupinyami, na Judasi nʼwana Jakobe. Xip. 9:37; Lu. 6:15

Mitiro 1:26

Zonake va lo va hlahluveta, ni hlolo yi lo khoma Matiasi. Yena i lo hlayelwa zinwe ni vapostoli va khume ni munwe. Levi 16:8

Mitiro 12:2

A daya Jakobe, a nakulobye wa Johani, hi supado. Pedro a tlhatlhiwa paxweni hi ngelosi.

Mitiro 3:1

Pedro na Johani a va kari va kanziha vaya tempeleni hi xikhati xa kukhongela, xi nga hi 3 horas wa gambo:

1 Va le Korinte 15:7

Zonake i lo woneka ka Jakobe, zonake ni ka vontlhe vapostoli; Miti. 1:3

Va le Efesusi 4:11

I lo nyika vanwani a kuva vapostoli, ni vanwani a kuva vaprofeti, ni vanwani a kuva vavangeli, ni vanwani a kuva varisi ni vagonzisi, 1 Kor. 12:28; Xip. 2:20

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

2 Johani 1:1

A singalakati ga rungula a muzinza loyi a hlawulilweko hi vana vakwe, lava nzi va ranzako zineneni; na ku nga hi mina nzoce, kanilezi ni vontlhe lava va tivako zinene. Joh. 8:32; 1 Joh. 3:18

3 Johani 1:1

A singalakati ga rungula Gaiusi a ranzekako, loyi nzi mu ranzako zineneni. 2 Joh. 1

Kuvululelwa 1:1

Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 22:8

Hi mina Johani nzi ngazwa ni ku wona lezi zilo. Laha nzi nga zizwa ni ku zi wona, nzi lowa hasi nzi khozela mikonzweni ya ngelosi leyi yi nga nzi kombeta zona.