Marku 8:38 - Tshwa Bible

³⁸ Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Marku 8:38 Mawu Ofanana

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Mateu 12:39

Kanilezi i lo hlamula aku ka vona: A xizukulwana lexi xa kubiha xi nga kholekangiko xi lava a xiwoniso; kanilezi xi nga ta nyikiwa xiwoniso, ntsena a xiwoniso xa muprofeti Jona. Isa. 57:3; Mar. 8:38; Joh. 4:48

Mateu 13:41

A Nʼwana wa munhu i ta ruma a tingelosi takwe, ti ta wungeletela ti humesa mufunweni wakwe zontlhe lezi zi khunguvanyisako, ni lava va mahako kubiha, Xip. 18:7; 2 Ped. 2:1, 2

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 16:28

Hizinene nziku ka nwina: Va kona vanwani va yimileko laha, va ta nga kala kuzwa kufa, va kala va wona a Nʼwana wa munhu na ata mufunweni wakwe. Mar. 9:1; Lu. 9:27

Mateu 16:4

A xizukulwana lexi xa kubiha xi nga kholekangiko xi lava a xiwoniso; kanilezi xi nga ta nyikiwa xiwoniso, sine xiwoniso xa Jona. Yena i lo va siya a famba. Xip. 12:39

Mateu 24:30

Zonake ku ta woneka le tilweni a xiwoniso xa Nʼwana wa munhu; kwalaho a tixaka tontlhe ta misava ti ta rila loku ti wona a Nʼwana wa munhu na ata hi marefu ya tilo ni ntamu ni kungangamela ka hombe. Dan. 7:13; Zak. 12:12; Kuv. 1:7

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Mateu 8:20

Jesu aku ngalo kakwe: A vahlati va na ni timhako, ni tinyanyani ta tilo ti na ni zisaka; kanilezi a Nʼwana wa munhu a nga nako laha a nga vekako kona hloko yakwe.

Marku 13:26

Zonake va ta wona Nʼwana wa munhu na ata hi marefu, a hi ni ntamu wa hombe ni kungangamela. Dan. 7:13; Mat. 16:27; Miti. 1:11

Marku 14:62

Jesu aku: Hi mina yena. Mu ta wona Nʼwana wa munhu na a tshamile hi le reveni ga xinene ga ntamu, na ata hi marefu ya tilo. Mat. 24:30; 26:64; Lu. 22:69

Marku 8:37

Hakuva a munhu i ta humesa yini ku tekisa muhefemulo wakwe ke?

Luka 19:26

Aku: Nza mu byela lezaku kani himani a nga nazo, i ta nyikiwa zinwani; kanilezi loyi a nga hiko nazo, hambu ni lexi a nga naxo xi ta tekiwa ka yena. Mat. 13:12; 25:29; Mar. 4:25

Luka 9:26

Hakuva kani hi wihi a ta ngava ni tingana ha mina ni timhaka ta mina, a Nʼwana wa munhu i tava ni tingana ha yena, laha a ta nga wuya kungangameleni kakwe, ni ka Dadani ni ka tingelosi to basa. Mat. 10:33; Mar. 8:38; 2 Tim. 2:12

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Johani 12:34

A xidlemo xi lo mu hlamula, xiku: Hi zwile nayweni lezaku Kristu i ta tshama kala kupinzuka; hi yini u wulako uku: A Nʼwana wa munhu i yimelwe hi ku tlakuswa ke? Hi mani yena Nʼwana loye wa munhu ke? Isa. 53:8; Ezek. 37:25; Dan. 2:44

Johani 5:27

I mu nyikile ntamu ku lamula, hilezi a nga Nʼwana wa munhu. Dan. 7:13, 14; Miti. 10:42

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Va le Galatia 6:14

Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

1 Va le Tesalonika 2:19

Hakuva xini a kutsumba ka hina, kutani kutsaka ka hina, kutani a xidlodlo lexi hi ti kulisako ha xona mahlweni ka Hosi ya hina Jesu a kuwuyeni kakwe? A hi yena nwina ke? Kuv. 1:7; 22:12; 1 Kor. 15:23; Xip. 3:13

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

2 Timote 1:16

Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. Mat. 5:7; File. 7

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Maheberu 13:13

Hikwalaho a hi humeni hiya kakwe lahandle ka wugovelo, na hi rwele a kurukwa kakwe. 1 Ped. 4:14

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

1 Johani 2:23

Kani himani a kanetako Nʼwana, yaloye a nga na Dadani; loyi a vumelako a Nʼwana i na ni Dadani kambe. Joh. 14:7, 9, 10; 15:23; 2 Joh. 9

1 Johani 2:28

Makunu, vana vanga, tshamani ka yena; lezaku hi fela kuva ni kutiya hi siku legi a ta nga wonekeliswa ha gona, hi nga hi na tingana mahlweni ka yena a kuwuyeni kakwe.

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10