Marku 8:34 - Tshwa Bible

³⁴ I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23

Marku 8:34 Mawu Ofanana

1 Tihosi 14:8

nzi wutla mufumo ndlwini ya Davida, nzi wu nyikela ka wena. Kasike wena a ku fanani ni nanza ga mina Davida, loyi a nga wa hlayisa zileletelo za mina, a nzi lanzela hi mbilu yakwe yontlhe, a maha zo lulama ntsena mahlweni ka mina.

Mitsengo 14:24

Kanilezi a nanza ga mina Kalebi, loyi a nga ni wunwani moya, loyi a lanzelako hi zinene a ndlela ya mina, nzi ta mu enghenisa ka lego tiko a yako ka gona, gi tava gakwe ni pswalo wakwe.

Mateu 10:38

Loyi a nga rwaliko a xihambano xakwe a nzi lanzela, a nga nzi faneli. Xip. 16:24; Mar. 8:34; Lu. 9:23

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 27:32

Kota lezi va nga ha huma, va lo kuma a munhu wa le Kirene, loyi a tibyiwako Simoni; va lo mu kurumeta a ku rwala a xihambano xa Jesu. Mitse. 15:35; 1 Tih. 21:13; Mar. 15:21

Marku 10:21

Jesu na a mu cuwuka i lo mu ranza, aku kakwe: Wa ha vumala xilo xinwe; famba u ya xavisa zontlhe lezi u nga nazo, u nyika zisiwana; zonake u tava ni tshomba le tilweni; zonake ngona u nzi lanzela. Mat. 6:19, 20; Lu. 12:33

Marku 7:14

I lo engeta a vitana xidlemo, aku ngalo: Nzi zweni nwina nwentlhe, mu pima. Mat. 15:10

Luka 13:24

Kurumetani ku enghena hi nyangwa yi hlongileko; hakuva nziku ka nwina: Mbanyingi va ta nga ringa ku enghena, kanilezi va ta tsanzeka. Mat. 7:13; Rom. 9:31

Luka 14:33

Zinghaho ni wihi wa nwina a nga tsikiko zontlhe lezi a nga nazo, a nga zi koti ku maha mupizani wa mina.

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 20:45

Yena i lo wula va zizwa vanhu vontlhe, aku ngalo ka vapizani vakwe: Mat. 23:1; Mar. 12:38

Luka 9:23

I te ngalo ka vona vontlhe: Loku munhu a xuva ku nzi lanzela, a ti tsike, a ti rwexa xihambano xakwe masiku ni masiku, a nzi lanza. Mat. 10:38; 16:24; Mar. 8:34

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.

Johani 19:17

Vona va lo khoma Jesu va famba naye. I lo huma na a ti rwalele a xihambano xakwe, aya wutshanwini gi vitwako ku ngalo: Xikodo, hi xiHeberu ku ngalo, Golgota. Mitse. 15:36; Mat. 27:31, 33; Mar. 15:21, 22; Lu. 23:26, 33

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Va le Roma 6:6

na hi tiva lezaku a munhu wa hina wa kale i belelwe zinwe naye, kasi a miri wa kuonha wu fela ku hetiswa, lezaku hi nga havi tikhumbi ta kuonha, Gal. 2:20; Kol. 2:11

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 15:31

Nzafa masiku wontihe, lezo nza tiyisa hi kutidzunza loku nzi nga nako ha nwina ka Kristu Jesu a Hosi ya hina. 2 Kor. 4:10

1 Va le Korinte 8:13

Hikwalaho loku a makabye wa mina a khubeka hi kota ya zakuga, cima nzi nga ta haga nyama kala rini, kasi nzi nga mahi makabye wa mina a khubeka.

1 Va le Korinte 9:19

Hakuva hambu lezi nzi nga tlhatlhekile ka vanhu vontlhe, nzi lo ti maha nanza ga vontlhe, lezaku kasi nzi fela ku kuma vanyingi. Mat. 18:15; Gal. 5:13; 1 Ped. 3:1

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

Va le Galatia 6:14

Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

Va le Filipi 3:10

Hakuva nzi ranza ku tiva yena, ni ntamu wa kuvuka kakwe, ni ku hlengela kuxaniseka kakwe, nzi mu ringanyeta kufeni kakwe; 1 Ped. 4:13

Va le Filipi 3:7

Ahembalokoke, a zilo lezi zi nga hi bhinzu ka mina, nzi zi alakanyile lezaku kulahleka hi kota ya Kristu.

Va le Kolosi 1:24

Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

2 Va le Tesalonika 3:11

Hakuva hi zwile lezaku vanwani va nwina va famba hi vilinganya, va nga tiri nchumu, kanilezi va fambafamba va maha vanwankoti. Isa. 56:10; 1 Tim. 5:13

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Maheberu 13:13

Hikwalaho a hi humeni hiya kakwe lahandle ka wugovelo, na hi rwele a kurukwa kakwe. 1 Ped. 4:14

1 Pedro 4:1

Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24

1 Pedro 4:13

Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17

2 Pedro 1:14

Hakuva nza zi tiya lezaku a xaxa wa mina wu ta susiwa hi xitshuketi, kota lezi a Hosi ya hina Jesu Kristu a nga nzi tivisa. Joh. 21:18, 19; 2 Tim. 4:6

1 Johani 3:16

Ha li tiva liranzo hi kota ya lexi, lezaku Jesu i lo nyikela kuhanya kakwe hi kota ya hina; hikwalaho hi yimelwe hi ku nyikela a kuhanya ka hina hi kota ya vamakabye. Joh. 3:16; Rom. 5:8

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12