Marku 7:4 - Tshwa Bible

⁴ Loku vata hi le hubyeni, a vagi na va nga se ku hlamba; yi kona ni yinweni mikhuwo leyi va yi amukeleko ku yi gonga: hi ku hlaza magombe, ni timbita, ni zibya za suku,

Marku 7:4 Mawu Ofanana

Tisimu 26:6

Nzi ta hlamba mandla ya mina kululameni, Nzi renzelekela a nganzelo ga wena, Jehova.

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Jeremia 35:5

Nzi lo veka a maguwana ma teleko ni vinya a mahlweni ka vana va yindlu ya ka Rekabe, ni magombe, nziku kabye: Nwanani vinya.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Mateu 23:25

Khombo a give ka nwina vatsali ni vaFarisi, nwina vaxengeteli! Hakuva mu hlaza lahandle ka gombe ni ngelo, kasi hi lomu nzeni zi tele hi kuphanga ni kubiha ko hunzeleta. Mar. 7:4; Lu. 11:39

Mateu 23:26

Xikhumu-nzi-wena muFarisi! kuranga hlaza lomu nzeni ka gombe ni ngelo, kasi lahandle ka zona ku fela ku basawu.

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

Marku 7:8

Nwina mu tsika a nayo wa Nungungulu, mu khomisisa a mahanyela ya vanhu.

Johani 2:6

Ku wa hi ni ntlhanu wa tifuko ni yinwe ta maribye, ti nga tshamile kona hi kota ya mukhuwo wa vaJuda wa kuhlazeka; a fuko yinwe ni yinwani yi wa ringana a mabarerwana mambiri kutani manharu. Mar. 7:3

Johani 3:25

Ku lo vuka a kukanetisana hi mhaka ya kuhlazeka, xikari ka vapizani va Johani ni muJuda wo kari.

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5