Marku 7:22 - Tshwa Bible

²² a kunavela, ni kubiha, ni kukhohlisa, ni wutsele, ni tihlo go biha, ni kurukatela, ni kutikukumukisa, ni wupumbu;

Marku 7:22 Mawu Ofanana

2 Kronekele 32:31

Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Tisimu 119:36

Kokela a mbilu ya mina wumbonini ga wena, Lezaku yi ngayi kumbilukeleni.

Mavingu 12:23

A munhu wa kupima wa fihla wutivi; anilezi a mbilu ya xipumbu yiba hungu hi wupumbu ga xona.

Mavingu 22:15

A wupumbu gi namarela mbilwini ya nwanana; anilezi a nhonga ya tsayiselelo yi ta gi susa ka yena.

Mavingu 23:6

U ngagi kuga ka loyi a nga ni tihlo go tsona; e hambu a ku navela a tifawufawu takwe;

Mavingu 24:9

A maalakanyo ya wupumbu hi xionho; i mutseketseli manyalataniso vanhwini.

Mavingu 27:22

Hambu loku u wa ta kanza a xipumbu lomu churini, kanza hi musi u patsa ni mavele lawa ma gayiwako, ima a wupumbu gakwe gi nga ta huma.

Mavingu 28:22

A munhu wa wutsona wa hatlisa ku fuma; ima a nga alakanyi lezaku a wusiwana gi ta wela hehla kakwe.

Mutshawuteli 7:25

Nzi lo nyiketela a mbilu ya mina ku tiva ni ku hlotisisa, ni ku kambisisa wutlhari ni tshinya ga timhaka, ni ku tiva wupumbu ga kubiha, ni lezaku wupumbu lihlanyi.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Mateu 6:23

Kanilezi loku tihlo ga wena gi babya, a miri wa wena wontihe wu ta tala hi munyama. Hikwalaho loku a kuwonekela loku ku nga nzeni ka wena ku hi munyama, a munyama lowu wu ta maha wa hombe wa ku yiniyini ke!

Marku 7:21

hakuva hi lomo nzeni, hi le timbilwini ta Vanhu, ku huma maalakanyo yo biha, a wubhayi, a kuyiva, ni kudaya; ni wurembi, Gen. 6:5; 8:21; Mat. 15:19

Marku 7:23

zontlhe lezi za kubiha zi huma hi lomo nzeni, za bihisa munhu.

2 Va le Korinte 10:5

Hi hangalasa a maalakanyo, ni tigingisi tontlhe leti ti tlakukileko to bhiyela a kutiva ka Nungungulu, hi khozisa a maalakanyo wontihe mava tikhumbi ta ku ingisa Kristu; 1 Kor. 1:19; 3:19

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

Deuteronome 28:54

A munhu a fumileko xikari ka nwina a tihlo gakwe gi ta cuwuka hi ku bonzolota ka nakulobye, ni ku bonzolota a sati wa xifuva xa yena, ni ku bonzolota a misalela ya vanana vakwe lava va seleko va hanya.

Deuteronome 28:56

A wasati loyi a fumileko xikari ka nwina, laha kakuva a nga zi koti ni ku kanzihela lahasi hi kota ya kutizwela, a tihlo gakwe gi ta cuwuka hi ku bonzolota a nuna wa xifuva xa yena, ni ku bonzolota a nisanyana wa yena, ni ku bonzolota a nhanyana wakwe.

1 Pedro 2:15

Hakuva hi kona a kuranza ka Nungungulu, lezaku hi ku maha leʼzi nene mu miyeta a kuwulawula ka hava ka lava va nga tiviko nchumu.

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.