Marku 4:20 - Tshwa Bible

²⁰ Kanilezi lava va xwanyilweko misaveni yo saseka, hi lava va zwako a mhaka, va yi amukela, va pswala mihanzu hi ka 30, hi 60, na hi 100.

Marku 4:20 Mawu Ofanana

Genesisi 26:12

Isaka i lo, rima ka lego tiko, a kuma hi ka zana lego lembe, hakuva Jehova i lo mu katekisa.

Mateu 13:23

Kanilezi loyi a nga xwanyiwa misaveni yo saseka, hi yena loyi a zwako mhaka, a yi pima; yena wa pswala mihanzu, a munwani i pswala hi 100, a munwani hi 60, ni munwani hi 30.

Mateu 13:8

Kanilezi tinwani ti lo wela misaveni yo saseka, ti pswala mihanzu; a tinwani ti lo pswala hi 100, tinwani hi 60, tinwani hi 30.

Marku 4:8

Tinwani ti lo wela misaveni yo saseka, ti kula ti enzeleka ti pswala mihanzu; ti lo pswala hi 30, na hi 60, ni 100. Joh. 15:5; Kol. 1:6

Luka 8:15

Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Johani 15:2

Ni gihi ravi gi nga ka mina, legi gi nga pswaliko mihanzu, wa gi tsema; kanilezi legi gi pswalako mihanzu wa gi thena, kasi gi fela ku pswala hi kuhunzeleleko. Mat. 15:13

Va le Roma 7:4

Hizalezo na nwina vamakabye va mina, mu file hi tlhelo ga nayo hi miri wa Kristu; aku kasi mu fela ku tlhanganyiswa ka munwani, a nga yena loyi a vuxilweko hi ka vafileko, lezaku hi fela ku humesa mihanzu ka Nungungulu. Hos. 2:19; Gal. 2:19; Efe. 2:15

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

1 Va le Tesalonika 4:1

Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10

2 Pedro 1:8

Hakuva loku lezi zilo zi hi kona ka nwina zi tala, zi ta mu maha mu nga lolohi, hambu ku vumala mihanzu a kutiveni ka Hosi ya hina Jesu Kristu. Joh. 15:2; Tit. 3:14