Marku 3:5 - Tshwa Bible

⁵ Laha na a langutile ka vona hi kuzangara, na karateka hi kota ya kunonoha ka timbilu tabye, aku ngalo ka munhu loye: Nawuluta canja ga wena. I lo gi nawuluta, gi tlhela gi hanya.

Marku 3:5 Mawu Ofanana

Genesisi 6:6

Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

1 Tihosi 13:6

Zonake a hosi yi te ngalo ka munhu wa Nungungulu: Kombela ka Jehova Nungungulu wa wena, u nzi khongelela kasi a canja ga mina gi fela ku tlhelela wutshanwini ga gona! Zonake a munhu wa Nungungulu i lo khongela ka Jehova, ni canja gakwe gi lo tlhelela wutshanwini ga gona kota kusanguleni. Ekso. 8:8; 9:28; Mitse. 21:7

Nehemia 13:8

Nzi lo bayiseka nguvu; hikwalaho nzi lo humesa zontlhe a zibya za Tobia nzi zi hoxa lahandle ka kwaruto.

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Mateu 12:13

Zonake aku ka munhu: Nawuluta canja ga wena. I lo gi nawuluta, gi tlhela gi hanya kukotisa ginwani.

Marku 3:4

Aku kabye: Zi fanele ku maha kusaseka hi siku ga sabado, kutani ku maha kubiha ke? A ku hanyisa munhu, kutani ku daya ke? Kanilezi va lo miyela.

Luka 13:15

Kanilezi Hosi yi lo mu hlamula, yiku ngalo: Nwina vaxengeteli, xana a munwe ni munwani wa nwina a nga tlhatlhi homu kutani mbongola xigowolweni hi siku ga sabado, a yi gula ku ya yi nwisa ke?

Luka 17:14

Laha a nga va wona, i te ngalo kabye: Fambani mu ya ti kombisa ka vapristi. Ku te laha va nga kari va famba, va su basiswa. Levi 13:2; 14:2; Mat. 8:4

Luka 6:10

I lo va cuwukisa vontlhe, aku ngalo ka munhu wa kona: Nawuluta a canja ga wena. Yena i lo maha lezo, ni canja gakwe gi hanyiswa.

Johani 9:7

Aku ngalo ka xona: Famba u ya hlamba xitivaneni xa Siloami (hi kutlhamuselwa ku ngalo, Kurumiwa). Yena i lo famba a ya hlamba, a wuya na a wona. Neh. 3:15

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

2 Va le Korinte 3:14

Kanilezi a kupima kabye ku lo nonohiswa, hakuva kala ni nyamutlha lezi, loku va gonza a mitsalo ya xivumelwano xa kale, a nguwo leyi ya ha hi kona; a nguwo leyi yi susiwa ntsena ka Kristu. Isa. 6:10; Joh. 12:40

Va le Efesusi 4:18

na va pfhupelisilwe kupimeni kabye, va hambene ni kuhanya ka Nungungulu hi kota ya kungativi loku ku nga kona xikari kabye, hi kota ya kunonoha ka timbilu tabye. Miti. 26:18; Gal. 4:8; Xip. 2:12; 1 Tes. 4:5

Va le Efesusi 4:26

Zangarani, kanilezi mu nga onhi; ngha gambo gi nga peli na ma ha zangarile,

Va le Efesusi 4:30

Mu nga vangeli wusiwana a Moya wa ku Basa wa Nungungulu, lowu mu nga fungiwa ha wona hi kota ya siku ga kutirulwa. Isa. 63:10; Rom. 8:23

Maheberu 3:10

Hikwalaho nzi wa zangarele lexo xizukulwana, Nziku: Vona va lahleka xontlhe xikhati timbilwini tabye. Kanilezi a va tivangi a tindlela ta mina.

Maheberu 3:17

Vamani lava a nga va zangarela a 40 wa malembe ke? A hi vona lava va nga onha, lava a zirumbi zabye zi nga wela xiwuleni ke? 1 Kor. 10:5

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Kuvululelwa 6:16

vaku ka zitsunga ni le maribyeni: Wanani hehla ka hina, mu hi fihla nghoheni ya loyi a tshamileko xitshanwini xa wuhosi, ni khulweni ga Yivana. Hos. 10:8; Lu. 28:30

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

1 Samueli 20:34

Zinghaho Jonatani i lo suka laha mezeni na a zangarile nguvu, a ngagi ni zakuga lego siku ga wumbiri ga hweti yiswa, hakuva i wazwa kubayiseka hi kota ya Davida, hakuva a raru wakwe i wa mu xanzile nguvu.