Marku 2:27 - Tshwa Bible

²⁷ Zonake i te ngalo kabye: A sabado gi lo mahelwa munhu, a hi munhu a nga mahelwa sabado.

Marku 2:27 Mawu Ofanana

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Ezekieli 20:12

Tlhatakumbiri nzi lo va nyika a masabado ya mina, mava xikombiso xikari ka mina na vona, kasi va fela ku zi tiva lezaku hi mina Jehova nzi va basisako.

Ezekieli 20:20

Hlayisani a masabado ya mina, ma tava a xikombiso xikari ka mina na nwina, kasi ma fela ku zi tiva lezaku hi mina Jehova a Nungungulu wa nwina.

Marku 2:28

Lezo a Nʼwana wa munhu i Hosi ni ya gona sabado. Mat. 12:8

Luka 6:9

Jesu i te ngalo kabye: Nza mu wutisa, Ku fanele hi sabado ku maha kusaseka, kutani ku maha kubiha ke, a ku hanyisa wutomi, kutani ku gi lovisa ke?

Johani 7:23

Loku munhu a engheniswa wukwera hi sabado, lezaku a nayo wa Mosi wu nga hambunyetwi; xana mu nzi zangarela yini, hilezi nzi hanyisileko munhu hi sabado ke? Xip. 5:8, 9

2 Va le Korinte 4:15

Hakuva zilo zontlhe zi mahelwa nwina, kasi a tipswalo na ti anzisilwe ka vanyingi, ti fela ku kulisa a wudzunzo ga Nungungulu.

Deuteronome 5:12

Hlayisa a siku ga Sabado u gi basise, kota lezi Jehova Nungungulu wa wena a ku leleteleko.

Deuteronome 5:14

kanilezi hi siku ga wuntlhanu ni mambiri i Sabado ga Jehova Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, hambu ni homu ya wena, ni mbongola ya wena, ni xinwani xifuyo xa wena, ni muluveli loyi a nga mutini wa wena; kasi a xitiri xa wena xa wanuna ni xa wasati va fela ku humula kota wena. Gen. 2:2; Ezek. 20:12; Maheb. 4:4

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10