Marku 15:34 - Tshwa Bible

³⁴ Zonake a xikhatini xa wuntlhanu ni mune, Jesu i lo vitana hi gezu ga hombe, aku: Eloi, Eloi, lama sabaktani? Lezo na ku tlhamusela ku ngalo: Nungungulu wa mina, Nungungulu wa mina, u nzi tsikele yini? Tis. 22:1; Mat. 27:46

Marku 15:34 Mawu Ofanana

Tisimu 22:1

Nungungulu wa mina, Nungungulu wa mina, U nzi tsikele yini ke? Hikuyini u yimile kule, u nga nzi vuni, Na u nga anguli kurila ka mina?

Tisimu 27:9

U nga fihli a nghohe ya wena ka mina, U nga hlongoli a nanza ga wena hi zanga; Wena loyi u nga muvuneteli wa mina, u nga nzi hlongoli, hambu ku nzi tsika, Nungungulu wa kuhanyiswa ka mina.

Tisimu 42:9

Nzi taku ka Nungungulu, a nga ribye ga mina: Hi yini u nzi rivakeleko ke? Hi yini nzi fambako na nzi rila hi kota ya ku tsimbeketwa hi valala ke?

Tisimu 71:11

Vaku: Nungungulu i mu tsikile; Mu hlongoleni, mu mu khoma, Hakuva a nga kona wo mu hlanguta.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Mikosi 5:20

Hikuyini u hi rivalako kala ku pinzuka, U hi tsika xikhati xo leha ke?

Danieli 9:21

ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Mateu 27:46

Hi hora ya wuntlhanu ni mune, Jesu i lo vitana hi gezu ga hombe, aku: Eli, Eli, lama sabaktani? Lezo hi ku ngalo: Nungungulu wa mina, Nungungulu wa mina, u nzi tsikele yini? Tis. 22:1; Maheb. 5:7

Marku 15:25

Ku wa hi xikhati xa wunharu laha va nga mu belela.

Marku 15:35

Vanwani va lavo va nga yimile koha, laha na va zi zwile, vaku. Hi ngazwa, wa vitana Elija.

Luka 23:44

Hi xikhati xa wuntlhanu ni xinwe ku lota munyama tikweni gontlhe, wuva kona kala a xikhati xa wuntlhanu ni mune, Mat. 27:45; Mar. 15:33

Luka 23:46

Zonake Jesu i lo vitana hi gezu ga hombe, aku: Dada, nza nyikela moya wa mina mandleni ya wena. Na a wulile lezo i lofa. Tis. 31:5; 1 Ped. 2:23

Mitiro 10:3

Hi siku go kari i lo wona muwoniso hi hora ya wuntlhanu ni mune, a ngelosi ya Nungungulu na yi enghena ka yena, yiku ngalo kakwe: Korneliu!

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33