Marku 15:26 - Tshwa Bible

²⁶ A mutsalo wo komba nanzu wakwe wu wa tsalilwe lezaku, l Hosi ya vaJuda.

Marku 15:26 Mawu Ofanana

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Isaya 10:7

Ahemba, yena a nga sungwi hi lezo, A mbilwini yakwe a nga alakanyi lezo; Kanilezi a mbilu yakwe yi xuva ku lovisa, Ni ku hihirita matiko ya ku tala.

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 2:2

Yi kwihi a hosi ya vaJuda leyi yi belekilweko? Hakuva hi wonile a nyeleti ya yona le Mutsuwuka-gambo, hi tile ku ta yi khozela. Mitse. 24:17; Lu. 2:11

Mateu 27:37

Va lo nameketa hehla ka hloko yakwe a mutsalo wa nanzu wakwe wu nge ngalo: Loyi hi Jesu, a hosi ya vaJuda. Mar. 15:26; Lu. 23:38; Joh. 19:19

Marku 15:2

Pilatu i lo mu wutisa, aku: Hi wena hosi ya vaJuda ke? A hlamula, aku kakwe: U wula zona, Mat. 27:11

Marku 15:27

I lo belelwa zinwe ni vaphangi vambiri; munwe hi reveni gakwe ga xinene, ni munwani reveni gakwe ga xibhabha. Mat. 27:38

Marku 15:32

A Kristu loyi, a nga Hosi ya vaIsraeli, ngha a chika xihambanweni, kasi ha fela ku wona, hi kholwa. Ni lava va nga belelwe naye va lo mu rukatela. Mat. 27:44; Lu. 23:39

Deuteronome 23:5

Hambu lezo Jehova Nungungulu wa wena a nga vumelangi ku ingisa Balaami; hikwalaho Jehova Nungungulu wa wena i lo hunzulusa kuphunga ku maha xikatekiso, hakuva Jehova Nungungulu wa wena i wa ku ranza.