Marku 13:7 - Tshwa Bible

⁷ Laha mu ta ngazwa hi kulwa ni wudumo ga kulwa, mu nga karateki; lezi zi fanele a kuva zi humelela, kanilezi a hi kona kugumesa.

Marku 13:7 Mawu Ofanana

2 Samueli 14:14

Hakuva zi te dlunya lezaku hi tafa hakunene; hi fanana ni mati lawa ma halatilweko lahasi ma nga ha kotekiko ku wungeletelwa kambe, Nungungulu a nga susi wutomi ga munhu, kanilezi i xuva lezaku loyi a hlongolweko ngha a nga hambani naye. Tis. 89:49; Ezek. 18:23, 32

Tisimu 112:7

A nga ta chava a mahungu yo biha, A mbilu yakwe yi tiyile, yi tsumba Jehova.

Tisimu 27:3

Hambu loku a yimpi yi gova yi ranzela mina, A mbilu ya mina yi nga ta chava; Hambu loku a kulwa ku nzi vukela, Ni lezo nzi ta tsumba.

Mavingu 3:25

U nga dzukiswi hi chawo wa xitshuketi, e hambu kuhlokiswa ka vakubiha laha ku ta ngata.

Isaya 8:12

Mu nga wuli, muku: I gujeguje; a ka zontlhe lezi a vanhu lava va wulako ku i gujeguje; mu nga dzuki mu chava lezi va zi chavako.

Jeremia 51:46

Ngha timbilu ta nwina ti nga rereki, hambu ku chava a mahungu lawa ma zwalako lomu tikweni; hakuva a mahungu ma ta zwala lembe ginwe, ni lembe gi gamelako ku ta zwala mahungu manwani, ni pfilupfilu lomu tikweni, a hosi yi vukela yinwani hosi.

Mateu 18:7

Khombo a give ka tiko hi kota ya zikhunguvanyiso! Kunene a zikhunguvanyiso zi fanele kuva kona, kanilezi i khombo ka munhu loyi zi tako ha yena. Lu. 17:1; 1 Kor. 11:19

Mateu 2:3

Laha hosi Herodi na zi zwile, i lo karateka zinwe ni Jerusalema gontlhe.

Marku 13:6

Hakuva vanyingi va tata hi vito ga mina, va taku: Nzi mina yena; va ta pengisa vo tala.

Marku 13:8

Hakuva a tiko gi ta vukela tiko, ni mufumo wu vukela mufumo; ku tava kona kutsekatseka ka misava matshanwini ma tsalangeneko; ni tindlala ti tava kona; lezi zilo hi kusangula ntsena ka kuxaniseka. Mat. 24:8

Johani 14:1

A timbilu ta nwina ngha ti nga karateki; kholwani ka Nungungulu, mu kholwa ka mina kambe. Xip. 16:22

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Mitiro 17:3

a va tlhatlhambutela ni ku va kombisa aku zi wa lavekile lezaku Kristu a xaniseka, a tlhela a vuka hi ka vafileko; ni lezaku Jesu loyi nzi mu kanelako ka nwina, hi yena Kristu. Lu. 24:26, 46; Xip. 18:28