Marku 13:27 - Tshwa Bible

²⁷ I ta ruma tingelosi, a tsombanyisa a vahlawulilweko vakwe le matlhelweni ya mune, kusukela magemeta-musi ya misava ku kala magemetamusi ya tilo,

Marku 13:27 Mawu Ofanana

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Zakaria 2:6

Ho, ho, tsutsumani hi lomu tikweni ga Nwalungu, ku wula Jehova; nwina lava nzi nga mu hangalasa matlhelweni ya mune wa timheho, ku wula Jehova.

Mateu 12:42

A muzinza wa le Dzongeni i ta suka a yima kulamuleni zinwe ni xizukulwana lexi, i ta xi kona; hakuva i tile hi le magemeta-musi a ku tazwa a wutlhari ga Solomoni; kasi a wahombe ku hunza Solomoni i kona laha. 1 Tih. 10:1; Lu. 11:31

Mateu 13:41

A Nʼwana wa munhu i ta ruma a tingelosi takwe, ti ta wungeletela ti humesa mufunweni wakwe zontlhe lezi zi khunguvanyisako, ni lava va mahako kubiha, Xip. 18:7; 2 Ped. 2:1, 2

Mateu 13:49

Ku tava nghaho kugumeseni ka tiko; a tingelosi ti ta huma, ti avanyisa a vakubiha xikari ka valulamileko,

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 24:31

Yena i ta ruma a tingelosi, takwe na tiba mimpunzu yo vuma nguvu; ti ta tsombanyisa a vahlawulilweko vakwe hi ka mune wa matlhelo ya misava, kusukela magemeta-musi ya tilo kala ka manwani magemeta-musi. 1 Kor. 15:52; 1 Tes. 4:16

Marku 13:20

Loku Hosi yi wa nga komisangi lawo masiku, ngha ku nga hi kona ni munwe a hanyisilweko, kanilezi hi kota ya vahlawulilweko, lava yi va hlawulileko, yi ma komisile lawo masiku.

Marku 13:22

Hakuva ku ta huma vaKristu va mawunwa, ni vaprofeti va mawunwa; va ta maha zirewukiso ni zihlamaliso, kasi va fela ku pengisa ni vahlawulilweko loku zi koteka.

Marku 13:28

Gonzani hi sinya ya nkuwu a mufananiso wa wona; loku a ravi ga wona gi nyuka, gi hluka matluka, ma zi tiva lezaku a ximumu xi le kusuhi. Mat. 24:32; Lu. 21:29

Luka 16:22

A mukombeli i lofa, a yiswa hi tingelosi xifuveni xa Abrahama; na yena munhu wo fuma i lofa a lahliwa.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Johani 10:16

Nzi na ni tiyivu tinwani, leti ti nga hiko ta lowu ntlhambi; na tona kambe nzi fanele ku ti neha, ti ta ingisa a gezu ga mina. Zonake ku tava ni ntlhambi munwe ni murisi munwe. Isa. 56:8; Ezek. 37:22; Efe. 2:14

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Va le Roma 8:33

Himani a ta nga kecara a vahlawulilweko va Nungungulu ke? Hi Nungungulu a va hlayelako kululama. Isa. 50:8

Deuteronome 30:4

Hambu loku a vanhu va wena va hlongolweko va wa hi ka magumeso ya tilo, Jehova Nungungulu wa wena i ta va tsombanyisela a va wuyisa ha kona.

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

2 Va le Tesalonika 2:1

Makunu vamakabye, hi kukumbuka a kuwuya ka Hosi ya hina Jesu Kristu, ni kutsombana ka hina na yena, ha mu khongotela Mat. 24:31

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22