Marku 13:11 - Tshwa Bible

¹¹ Laha va mu kokovisako a ku mu yisa kulamulweni, mu nga kanakani hi lezi mu ta nga zi wula; kanilezi wulawuleni lezi mu ta nga nyikiwa hi xikhati xwalexo; hakuva a hi nwina lava mu wulawulako, kanilezi hi Moya wa ku Basa. Mat. 10:19; Lu. 12:11; Miti. 2:4

Marku 13:11 Mawu Ofanana

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Mateu 10:17

Ti woneleni hi vanhu, hakuva va ta mu nyikela tihubyeni, va mu xupula masinagogeni yabye. Mar. 13:9; Lu. 12:11; Miti. 5:40

Marku 13:12

Makabye i ta nyikela makabye kudayiweni, ni raru a nyikela nʼwana wakwe; a vana va ta vukela vapswali vabye, va va dayisa. Mika 7:6; Mat. 10:21; Lu. 21:16

Marku 13:9

Kanilezi ti woneleni nwina; hakuva va ta mu yisa tihubyeni, mu biwa masinagogeni; mu ta yima mahlweni ka vafumeli ni tihosi hi kota ya mina, muva vakustumunyu va mina mahlweni kabye. Mat. 10:17, 18; Kuv. 2:10

Luka 21:12

Kanilezi na zi nga se ku humelela zontlhe lezi, Va ta mu khoma, va mu xanisa, va mu nyikela masinagogeni ni le mapaxweni, va mu yisa mahlweni ka tihosi ni vafumeli hi kota ya vito ga mina. Mar. 13:9; Kuv. 2:10; Miti. 4:3; 12:4; 1 Ped. 2:13

Johani 3:27

Johani i lo hlamula, aku: A munhu a nga na ku amukela nchumu, loku a nga nyikiwi zona hi le tilweni. 1 Kor. 4:6; Maheb. 5:4; Jak. 1:17

Mitiro 2:4

Vontlhe va lo tatiswa hi Moya wa ku Basa, va sangula ku wulawula hi tinwani tirimi, kota lezi Moya wu nga va nyika ku wulawula zona. Xip. 1:5; Mar. 16:17; 1 Kor. 12:10; 13:1; 14:2

Mitiro 3:13

A Nungungulu wa Abrahama, ni wa Isaka, ni wa Jakobe, a Nungungulu wa vakoko va hina, i dumisile a Nanza gakwe Jesu; loyi nwina mu nga mu nyikela ka Pilatu, mu mu kaneta mahlweni kakwe, laha yena a nga lava ku mu tlhatlha. Xip. 5:30; Joh. 7:39; 12:16; 17:1; Fil. 2:9

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Mitiro 6:10

Va wa nga zi koti kulwa ni kutlhariha ni Moya lowu a nga wulawula ha wona. Isa. 54:17; Lu. 21:15

Mitiro 6:15

Vontlhe lava va nga tshamile hubyeni va lo mu cuwukisisa, va wona a nghohe yakwe yi fana ni nghohe ya ngelosi. Mat. 28:3

Mitiro 7:55

Kanilezi yena na a tele hi Moya wa ku Basa, i lo cuwukisisa le hehla le tilweni, a wona a kungangamela ka Nungungulu, na Jesu na a yimile hi le canjeni ga xinene ga Nungungulu,

1 Va le Korinte 2:13

Kanilezi a zilo lezi, a hi wulawuli ha zona hi magezu ma gonziswako hi wutlhari ga vanhu, kanilezi hi magezu hi gonziswako wona hi Moya; kasi ha tlhamusela a zilo za ka Moya hi magezu ya ka Moya. 2 Ped. 1:16

Va le Efesusi 3:5

lowu wu nga kala ku tiviswa ka vanhu va zizukulwana zinwani, kota lezi ku vululelweko hi Moya ka vapostoli vakwe vo basa ni vaprofeti; Miti. 10:28

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24