Marku 12:9 - Tshwa Bible

⁹ I ta maha yini a nwinyi wa xivina ke? I tata a ta lovisa lavo varimi, a nyika xivina ka vanwani.

Marku 12:9 Mawu Ofanana

Isaya 29:17

Hi xikhatanyana Lebanoni i ta maha simu gi nonileko, Ni simu gi nonileko gi ta maha khwati.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 17:3

O xitsunga xa mina lomu sinwini, nzi ta nyikela a nhunzu ya wena ni titshomba ta wena akuva zi phangiwa, zinwe ni matshamu ya wena ma tlakukileko, hi kota ya zionho lezi u zi mahileko tikweni ga wena gontlhe.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mateu 12:45

Zonake wu famba, wu ya vitana a yinwani mimoya ya ntlhanu ni mimbiri yo biha ku hunza wutsumbu ga wona, yi enghena yi tshama kona. A kubiha ko gumesa ka munhu loyi ku hunza ko ranga. Zi tava nghaho ka xizukulwana lexi xi bihileko. Maheb. 6:4; 2 Ped. 2:20-22

Mateu 21:34

Laha a nguva ya mihanzu yi nga tshinela, i lo ruma malanza yakwe ka varimi, kasi ku ya amukela mihanzu yakwe.

Mateu 21:43

Hikwalaho nziku ka nwina: A mufumo wa Nungungulu wu ta tekiwa ka nwina, wu nyikiwa a tiko ginwani legi gi ta nga humesa a mihanzu ya wona.

Mateu 22:7

Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27

Marku 12:10

A mu se ku gonza a mutsalo lowu wu nge ngalo: A ribye legi gi nga aliwa hi vaaki, Gi mahile a hloko ya magumo; Tis. 118:22

Marku 12:8

Va lo mu khoma, va mu daya, va mu hoxa lahandle ka xivina.

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.

Va le Roma 10:20

Na Isaya i tiyisa aku: Nzi lo kumiwa hi lava va nga kala va nga nzi lavi; Nzi ti wonekelisa ka lava va nga kala va nga wutiseli ha mina. Isa. 65:1

Joxua 23:15

Ku ta ku khwatsi hi lezi a magezu wontihe lawa Jehova Nungungulu wa nʼwina a mu byelileko wona ma mahekileko, zi tava nghaho kambe Jehova i ta tiyisa hehla ka nwina wontihe magezu lawa yo biha, mu kala mu mbhela lomu ka tiko legi go saseka, legi Jehova Nungungulu wa nwina a mu nyikileko gona.