Marku 12:43 - Tshwa Bible

⁴³ Jesu i lo vitana vapizani vakwe, aku kabye: Hizinene nziku ka nwina: A noni leyi ya xisiwana yi chelile ku hunza vontlhe lava va chelako xikhwameni xa minyikelo; 2 Kor. 8:12

Marku 12:43 Mawu Ofanana

Mateu 10:42

Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10

Marku 12:42

Ku lota a noni ya xisiwana, yi ta chela a malana mambiri ma ringanako ni dezana.

Marku 12:44

hakuva vona vontlhe va chelile na zita hi ka leʼzinyingi zabye, kanilezi yena hi kuvumala kakwe i chelile zontlhe lezi a nga hi nazo a nga tsumba ku hanya hi zona.

Johani 8:20

A timhaka leti i lo ti kanela laha ka bhako ga minyikelo, na a kari a gonzisa tempeleni. Ku wa nga hi kona munhu a nga mu khoma, hakuva a xikhati xakwe xi wa nga se ku chikela. Xip. 7:8, 30

Mitiro 11:29

A vapizani va lo vumelana, lezaku va ta rumela a vamakabye lava va nga hi le Judia a za ku va vuna, munwe ni munwani a nyika kukotisa a ntamu wakwe.

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

2 Va le Korinte 8:2

Hambu lezi va nga hi nzhingweni wa kuxaniseka ka hombe va wa tsaka nguvu, ni lomu wusiwaneni gi etileko va lo nyikela hi matsenya. Mar. 12:44