Marku 12:24 - Tshwa Bible

²⁴ Jesu aku ngalo ka vona: Xana a mu lahlekangi, hilezi mu nga yi tiviko mitsalo, hambu ni ntamu wa Nungungulu ke?

Marku 12:24 Mawu Ofanana

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Hosea 6:2

Anzhako ka masiku mambiri i ta hi hanyisa; hi siku ga manharu i ta hi vuxa, hi hanya mahlweni kakwe.

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Hosea 8:12

Hambu loku nzi mu tsalele mazana-zana ya milayo ya mina, yi hlayiwa aku zilo zi nga tibyiwiko.

Mateu 22:29

Jesu i lo hlamula, aku ngalo kabye: Nwina mu lahlekile, lezi mu nga tiviko mitsalo, hambu ni ntamu wa Nungungulu. Joh. 20:9

Marku 10:27

Jesu i lo va cuwuka, aku: Ka vanhu a zi koteki, kanilezi a zi tsanzi ka Nungungulu; hakuva zontlhe za koteka ka Nungungulu. Jer. 32:17; Mat. 19:26; Lu. 1:37

Marku 12:23

A kuvukeni ka vafileko, i ta maha sati wa mani xikari ka vona, hakuva i wa mahile sati wa vona: vontlhe va ntlhanu ni Vambiri?

Marku 12:25

Hakuva loku va vukile hi ka vafileko, a va ha teki, hambu ni ku tekiwa, kanilezi va ta kota tingelosi ta le tilweni. 1 Kor. 15:42, 49, 52

Luka 1:37

Hakuva a ku na xilo xi nga mu tsanzako Nungungulu. Gen. 18:14; Jer. 32:17; Rom. 4:21

Johani 20:9

Hakuva va wa nga se ku wu pima a mutsalo, lowu wu nge ngalo i fanele a ku vuka hi ka vafileko. Tis. 16:10; Miti. 2:25-31

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

Va le Efesusi 1:19

ni lezaku wu kulisile kuyini a ntamu wakwe ka hina lava hi kholwako, kukotisa a kutira ka ntamu wakwe wa hombe, Kol. 1:29

Va le Filipi 3:21

Loyi a ta nga hunzula luswa a xiyimo xa miri wa hina wa kukoramiswa, kasi wu fanana ni miri wakwe wa kungangamela, hi ntamu lowu ha wona a zi kotako ku ti vekela zilo zontlhe lahasi kakwe. Isa. 63:1; Mat. 17:2; 1 Kor. 15:43; Efe. 1:19; Maheb. 7:25