Marku 12:14 - Tshwa Bible

¹⁴ Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?

Marku 12:14 Mawu Ofanana

2 Kronekele 18:13

Mikaia i lo hlamula, aku: Nzi hlambanya ha Jehova a hanyako; lezi yena a ta nga wula ka mina, hi zalezo nzi ta nga wula zona!

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Nehemia 9:37

gi nyika pfuno wa hombe ka tihosi leti u ti yimisileko a ku hi fumela, hi kota ya zionho za hina. Ni kambe va na ni ntamu hehla ka mimiri ya hina, ni tihomu ta hina, va maha kuranza kabye, va hi hlokisa.

Tisimu 120:2

Jehova, hlanguta muhefemulo wa mina ka milomu ya vahembi, Ni ka lirimi li khohlisako.

Tisimu 55:21

A magezu ya nomu wakwe ma nanziha ku hunza mawomba, Kanilezi ku hi ni kuholova mbilwini yakwe. A magezu yakwe ma olova ku hunza mafura, Kasi lezo ti hi tisupado ti hlomulweko.

Jeremia 42:20

Hakuva mu ti kanganyisile; hakuva mu nzi rumile ka Jehova a Nungungulu wa nwina, muku: Hi kombelele ka Jehova a Nungungulu wa hina, ni zihi lezi Jehova a Nungungulu wa hina a ta nga zi wula, hi byele hi ta zi maha.

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 22:17

Hikwalaho, hi nga hi byela, U alakanya lezaku hi fanele ku yisa nzhuvo ka Kesari, kutani hi nga yisi ke?

Marku 12:13

Zonake va lo ruma ka yena a vokari va vaFarisi ni va ka Herodi, lezaku va fela ku ya mu hika kuwulawuleni. Mat. 22:15; Lu. 20:20

Marku 12:15

Kanilezi yena na a tiva a wuxengeteli gabye, aku ngalo ka vona: Mu nzi ringela yini ke? Nehani a denario, kasi nzi fela ku yi wona.

Marku 14:45

Laha a nga chikele, i lo hatla a tshinela ka Jesu, aku: Rabi; a mu pswopswa.

Luka 20:22

Xana hi fanele ku yisa nzhuvo ka Kesari, kutani hi nga yisi ke?

Luka 23:2

va sangula ku mu kecara, vaku: Hi kumile loyi munhu na a kari a kucetela a tiko ga hina, a tsimbeta vanhu ku khupa khupo ka Kesari, na a ti wula lezaku yena i Kristu a hosi. Joh. 19:12; Miti. 17:7

Johani 7:18

Loyi a wulawulako hi za wutsumbu gakwe, i lava wudzunzo ga yena nwinyi; kanilezi loyi a lavako ku dzunza loyi a mu rumileko; hi yena a gonzisako zinene, ku hava a kungalulami ka yena. Xip. 5:41; 8:50

Va le Roma 13:6

Hi xigelo lexi mu humesa mikhupo; hakuva a vafumeli malanza ya Nungungulu, ma pinyamileko ntirweni lowu.

2 Va le Korinte 2:17

Hakuva a hi ku khwatsi hi lava vanyingi, lava va bihisako a mhaka ya Nungungulu; kanilezi hi kanela a mhaka ya Kristu Mahlweni ka Nungungulu khwatsi hi vanhu va mbilu yi basileko, na hi kurumetilwe hi Nungungulu.

2 Va le Korinte 2:2

Hakuva loku nzi mu chela wusiwana, zonake himani loyi a nga nzi tsakisako, loku ku nga hi yena loyi a nga cheliwa wusiwana hi mina ke?

2 Va le Korinte 4:1

Kota lezi hi nga ni ntiro lowu, hi wuxinji legi hi mahelweko gona, a hi mbheli ntamu;

2 Va le Korinte 5:11

Hikwalaho kota lezi hi tivako a kuchaveka ka Hosi, ha khongotela vanhu a ku kholwa, kanilezi Nungungulu wa zi tiva lezi hi nga zona; nza tsumba lezaku ha tibyiwa kambe livalweni la nwina.

2 Va le Korinte 5:16

Hikwalaho a ha ha tivi munhu hi ka nyama; hambu lezi hi nga mu tiva Kristu hi ka nyama, makunu a ha ha mu tivisi lezo. Mat. 12:50

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Va le Galatia 2:6

Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

1 Va le Tesalonika 2:4

Kanilezi kota lezi hi kumilweko hi Nungungulu, hi hi ni fanelo a kuva hi nyikwa a ntiro wa ivangeli, hina ha yi kanela, na ku nga hi ku xalalisa vanhu, kanilezi kasi ku xalalisa Nungungulu, loyi a hlolako timbilu ta hina. Mav. 17:3; 1 Kor. 7:25; 1 Tim. 1:11; Tit. 1:3