Marku 10:38 - Tshwa Bible

³⁸ Kanilezi Jesu aku ngalo kabye: Nwina a mu xi tivi lexi mu xi kombelako. Ma zi kota a kunwa a gombe legi nzi nwako gona ke? kutani ku bapatizwa hi kubapatiza loku nzi bapatizwako ha kona ke?

Marku 10:38 Mawu Ofanana

1 Tihosi 2:22

Hosi Solomoni i lo hlamula mamani wakwe, aku: Hikuyini u kombelela Adonija a kuva a nyikiwa Abixagi a muXuname ke? Mu kombelele kambe ni wuhosi, hakuva yena i nhonzo ya mina; hakunene u ta kombelela kambe na mupristi Abiatari, na Joabe nʼwana Zeruia!

Tisimu 75:8

Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

Isaya 51:22

Hosi Jehova, Nungungulu wa wena. Loyi a lwelako a tiko gakwe, e ngalo: Languta, nzi susile canjeni ga wena a gombe gi popisako, U nga ta hanwa a gombe ga zanga ya mina.

Jeremia 25:15

Hakuva Jehova a Nungungulu wa Israeli i te ngalo ka mina: Teka a gombe legi ga vinya ga zanga canjeni ga mina, u nwisa wontihe a matiko nzi to ku rumela ka wona. Kuv. 14:10; 16:19

Jeremia 45:5

Xana u ti lavela a zilo za hombe ke? U nga zi lavi, hakuva nzi ta neha makhombo hehla ka nyama yontlhe, ku wula Jehova. Kanilezi a wutomi ga wena nzi ta ku nyika giku khwatsi muphango matshanwini wontihe lawa u ta ngaya ka wona.

Mateu 26:39

I lo famba mahlweni kutsongwani, a yawa hi nghohe yakwe, a khongela, aku: Dadani, loku zi koteka, a gombe legi a gi hunze ka mina; ahemba na ku nga mahiwi hi kuranza ka mina, kanilezi kota kuranza ka wena. Mar. 14:36; Joh. 12:27; Fil. 2:8

Mateu 3:6

va lo bapatizwa hi yena congweni wa Jordani, va wulela zionho zabye. Miti. 19:4, 18

Marku 14:36

Aku ngalo: Abba, Dadani! zontlhe za koteka ka wena; susa legi gombe kule na mina; ahembalokoke, na ku nga hi kuranza ka mina, kanilezi a ku mahiwe a kuranza ka wena. Joh. 5:30; Rom. 8:15; Maheb. 5:7

Luka 12:50

Ku kona a kubapatiza loku nzi ta nga bapatizwa ha kona; nzi xanisekisa kuyini ku kala ku mbhetiseka! Mat. 20:22; Mar. 10:38

Luka 22:42

aku: Dada, loku u zi ranza, susa a gombe legi ka mina; ahemba-lokoke, na ku nga hi kuranza ka mina, kanilezi ka wena a ku maheke.

Johani 18:11

Kanilezi Jesu aku ngalo ka Pedro: Tihomeka a supado kocelweni; a gombe legi a nzi nyikileko Dadani, nzi nga ginwi ke? Mat. 20:22; 26:39, 42

Va le Roma 8:26

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko. Mat. 20:22; Efe. 6:18; Zak. 12:10

Jakobe 4:3

Nwina ma kombela, kanilezi a mu amukeliswi; hakuva mu kombela hi kubiha, kasi ma fela ku zi hangalasa kunaveleni ka nwina. Isa. 1:15; Jer. 11:11; Mika 3:4