Marku 10:30 - Tshwa Bible

³⁰ loyi a ta nga kala a nga amukeliswi hi ka zana a ka lexi xikhati, a tiyindlu, ni vanakulobye, ni vamakabye, ni vanyine, ni vana, ni masimu, na hi kona zixanisweni; ni ka tiko gi tako a wutomi ga pinzukelwa. 2 Kro. 25:9; Lu. 18:30

Marku 10:30 Mawu Ofanana

2 Kronekele 25:9

Amazia i te ngalo ka munhu wa Nungungulu: Nzi ta maha yini hi titalenta leti ta 100 nzi ti nyikeleko ka yimpi ya va ka Israeli? A munhu wa Nungungulu i lo hlamula, aku: Jehova i ta ku nyika zo tala nguvu ku hunza lezo.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Mavingu 16:16

A ku kuma wutlhari i chuko ku hunza nzalama; i ku kuma kupimisisa ku hunza siliva.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Mateu 13:8

Kanilezi tinwani ti lo wela misaveni yo saseka, ti pswala mihanzu; a tinwani ti lo pswala hi 100, tinwani hi 60, tinwani hi 30.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Luka 18:30

loyi a ta nga kala ku amukela hi kuengetilweko kunyingi a ka lexi xikhati, ni ka tiko gi tako a wutomi ga pinzukelwa. Joba 42:10

Johani 10:23

Jesu i wa kari a fambafamba lomo tempeleni, a ligumba-gumbeni la Solomoni. Miti. 3:11; 5:12

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Mitiro 16:25

Hi laha xikari ka wusiku, Paule na Silasi va wa kari va khongela, va yimbelela tisimu to dumisa Nungungulu, a tiperesu na ti va ingisela.

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

Va le Roma 5:3

Na ku nga hi lezi ntsena, kanilezi kambe hi na ni zigingi kukaratekeni ka hina, na hi tiva lezaku a kukarateka ku vanga kuhonisela; Mat. 5:11; Fil. 2:17

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

Va le Filipi 3:8

Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

2 Va le Tesalonika 2:16

A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

1 Timote 6:6

Kunene a kukhozela Nungungulu hi kutsaka i bhinzu ga hombe. Mav. 15:16

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

1 Johani 3:1

Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi. Joh. 1:12; 16:3

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3