Marku 10:21 - Tshwa Bible

²¹ Jesu na a mu cuwuka i lo mu ranza, aku kakwe: Wa ha vumala xilo xinwe; famba u ya xavisa zontlhe lezi u nga nazo, u nyika zisiwana; zonake u tava ni tshomba le tilweni; zonake ngona u nzi lanzela. Mat. 6:19, 20; Lu. 12:33

Marku 10:21 Mawu Ofanana

Genesisi 34:19

A jaha lego a gi hlwelangi a ku maha lezo zilo, hakuva i wa mu ranza nguvu nwa Jakobe; na yena i wa hi wahombe lomu ndlwini yontlhe ya raru wakwe.

Mavingu 23:23

Xava zinene, u nga zi xavisi; i wutlhari, ni gonziselelo, ni kupimisisa.

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 19:21

Jesu i te ngalo ka yena: Loku ti ranza kuva loyi a mbheleleko, famba u ya xavisa lezi u nge nazo, u nyika zisiwana; kwalaho u tava ni tshomba le tilweni; zonake tana, u nzi lanzela.

Marku 10:22

I lo tshuvika nghohe hi legi gezu, a famba na a karateka; hakuva i wa hi ni titshomba to tala.

Marku 8:34

I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23

Luka 10:42

kasi xilo xinwe ntsena xi lavekako. Maria i hlawule a xiavelo xo saseka, lexi xi ta nga kala xi nga tekiwi ka yena.

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

Luka 16:9

Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 19:41

Laha a nga tshinele, a wona muti, i lo wu rilela, Joh. 11:35

Luka 9:23

I te ngalo ka vona vontlhe: Loku munhu a xuva ku nzi lanzela, a ti tsike, a ti rwexa xihambano xakwe masiku ni masiku, a nzi lanza. Mat. 10:38; 16:24; Mar. 8:34

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Mitiro 2:45

Va lo xavisa zipetso ni zilo zabye, va zi avela ka vontlhe, kota kuvumala ka munwe ni munwani. Isa. 58:7

2 Va le Korinte 12:15

Mina nza ranza a ku nyikela zontlhe za mina, ni kuva nzi nyikelwa wutsumbu hi kota ya mihefemulo ya nwina. Loku mina nzi mu ranza nguvu, hi kona nwina mu ta nga nzi ranza kutsongwani ke? Xip. 6:12; Fil. 2:17; 1 Tes. 2:8

2 Timote 3:12

Hakunene vontlhe lava va ranzako ku hanya hi wutomi ga wukhozeli legi gi nga ka Kristu Jesu, va ta xaniswa. Mat. 16:24; Joh. 17:14; Miti. 14:22; 1 Kor. 15:19

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

Jakobe 2:10

Hakuva loku munhu a hlayisa nayo wontihe, kanilezi a khunguvanyeka hi mhaka yinwe, i na ni nanzu ka wona wontihe. Deut. 27:26; Mat. 5:19

Kuvululelwa 2:14

Kanilezi nzi na ni zisolo zinwani ha wena, hakuva laho u na ni vanwani lava va namarelako a gonzo ya Balami, loyi a nga gonzisa Balaki a ku veka xikhunguvanyiso mahlweni ka vanana va Israeli, lezaku vaga zakuga lezi zi phahlelweko zifananisweni, ni ku bhaya. Mitse. 25:1; Miti. 15:29; 1 Kor. 8:9

Kuvululelwa 2:20

Kanilezi nzi na ni xisolo lexi ha wena, lezaku u vumela Jezebeli, a wasati loyi a ti wulako ku muprofeti, a gonzisa ni ku xengetela a malanza ya mina a kuva ma bhaya, ni kuga nyama yi phahlelweko zifananisweni. Ekso. 34:15; 1 Tih. 16:31; Miti. 15:20

Kuvululelwa 2:4

Kanilezi nzi na ni xisolo lexi ha wena, lezaku u tsikile a liranzo la wena lo sangula.