Malaki 3:3 - Tshwa Bible

³ I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Malaki 3:3 Mawu Ofanana

Tisimu 116:17

Nzi ta nyikela ka wena a muphahlo ya kubonga, Nzi ta khongela vitweni ga Jehova.

Tisimu 4:5

Nyikelani a miphahlelo ya kululama, Na mu tsumba Jehova. Tis. 51:19, 21; Rom. 12:1

Tisimu 4:6

Mbanyingi va wulako, vaku: Himani a ta nga hi kombisa leʼzi nga nene? Jehova, hi woningele hi kuwonekela ka nghohe ya wena.

Tisimu 50:14

Nyikela ka Nungungulu a miphahlo ya kubonga; U rihela zifungo za wena ka Loyi a Hunzeleleko Kutlakuka. Maheb. 13:15

Tisimu 50:23

Loyi a nyikako muphahlo wa kubonga, i dumisa mina, Ni loyi a lulametako a ndlela yakwe Nzi ta mu kombeta a kuhanyisa ka Nungungulu.

Tisimu 51:19

Zonake u ta tsaka hi miphahlo ya kululama, A miphahlo ya kuhiswa ni leyi yi hiswako yontlhe; Hi kona va ta nga phahlela hi tikuzi hehla ka alati ga wena.

Tisimu 66:10

Hakuva wena Nungungulu u hi ringile, U hi hlutile kota lezi siliva yi hlutiwako. Mav. 17:3; 1 Ped. 1:7

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Mavingu 25:4

Susa manyelo ka siliva, onake a muwumbi i ta maha a xibya ha yona.

Isaya 1:25

Nzi ta tlhateka canja ga mina hehla ka wena, nzi hluta a manyelo ya wena, nzi humesa hi ka wena a xiketse xi nga basiswangiko.

Isaya 48:10

Languta, nzi ku hlutile, kanilezi a nzi kumangi siliva; Nzi ku ringile lomu mpingweni ga hlokiselelo.

Isaya 61:6

Kanilezi nwina mu ta chuliwa ku Vapristi va Jehova, Va ta mu vitana lezaku mu Malanza ya Nungungulu wa hina. Mu taga a titshomba ta vamatiko, Ni wukosi gabye gi tava ga nwina.

Jeremia 9:7

Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Ezekieli 20:38

Nzi ta phaka xikari ka nwina a vahluwuki ni lava va nzi fularelako, nzi va humesa a tikweni legi va luvelako ka gona; kanilezi va nga ta enghena tikweni ga ka Israeli: mu ta zi tiva lezaku hi mina Jehova.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Danieli 12:10

Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mitsengo 8:6

Teka vaLevi lomu xikari ka vanana va ka Israeli, u va basisa.

Luka 3:16

Johani i lo hlamula, aku ngalo ka vona vontlhe: Mina nzi mu bapatiza hi mati; kanilezi wa hata loyi a nga ni ntamu ku nzi hunza, loyi a tingoti ta zilato zakwe nzi nga faneliko ku ti tlhatlha; i ta mu bapatiza hi Moya wa ku Basa ni nzilo. Mat. 3:11

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

2 Timote 4:6

Hakuva makunu va lombela ha mina, a xikhati xa kusuka ka mina xi chikele.

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 12:10

Kunene vona va lo hi tsayisa xikhatanyana, kota lezi zi nga woneka na zi sasekile ka vona; kanilezi Nungungulu wa hi tsayisa a kuva hi vuneka, kasi hi fela kuva ni kubasa kakwe. 1 Ped. 1:15

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Kuvululelwa 1:6

a hi maha hiva mufumo, ni vapristi va Nungungulu Dadani wakwe, a ka yena a kuve wudzunzo ni kufuma kala kupinzuka ni kupinzuka. Amen. 1 Tim. 6:16; 1 Ped. 2:5

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Kuvululelwa 5:10

u va yimisa a kuva mufumo ni vapristi va Nungungulu wa hina, va fumela misaveni. Ekso. 19:6; 1 Ped. 2:5, 9