Malaki 3:2 - Tshwa Bible

² Kanilezi himani a nga tiyelako a siku ga kuta kakwe? Himani a ta nga yima a kutani kakwe? Hakuva yena i ta kotisa a nzilo wa munyekisi, ni ku kotisa a sabawu ya vahlazi.

Malaki 3:2 Mawu Ofanana

Genesisi 19:28

i lo cuwuka a Sodoma ni Gomora, ni tiko gontlhe ga le nkoveni, i lo wona a musi wa tiko na wuya hehla kotisa a musi wa phingo.

Joba 28:1

Hakunene wu kona a mugodi wa siliva, Ni wutshamu ga nzalama, laha yi basiswako kona.

Tisimu 130:3

Loku wena Jehova u wa ta hlaya zigoho, Hosi, himani a nga wa ta yima?

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 76:7

Wena wa chaveka; Himani a nga yimako mahlweni ka wena loku u zangarile ke?

Mavingu 25:4

Susa manyelo ka siliva, onake a muwumbi i ta maha a xibya ha yona.

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Jeremia 2:22

Hambu loku u nga hlamba hi nitro, U tsutsa sabawu yo tala, A kubiha ka wena ku ta sala mahlweni ka mina, Ku wula Hosi Jehova.

Ezekieli 22:14

A mbilu ya wena yi ta tiya ke, kutani a mandla ya wena ma tava ni ntamu a masikwini lawa nzi: ta nga cuwukana na wena ke? Mina Jehova nzi zi wonile, nzi ta zi maha.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 25:10

Na va ha famba va ya xava, i lo chikela muyeni; lava va nga longile va lo enghena zinwe naye mubuzweni wa muchado; li valiwa livati. Lu. 13:25

Marku 9:3

a tinguwo takwe ti lo hunzuka ti hatima, ti basa ha hombe nguvu, hi lezaku a ku na muhlazi misaveni a zi kotako a ku ti basisa kota lezo. Dan. 7:9; Mat. 28:3

Luka 2:34

Simeoni i lo va katekisa, aku ka Maria a nyine wakwe: Languta, loyi nwanana i yimiselwe a kuwa ni kuvuka ka vanyingi ka Israeli, ni ku maha xikombiso xi ta nga kanetiwa; Isa. 8:14; Miti. 28:22; Rom. 9:32

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Luka 3:17

A lihlelo lakwe li lomu canjeni gakwe, kasi ku swiyelisisa a nzhimbo wakwe, ni ku hlengeletela a mavele magombeni yakwe; kanilezi a mungu i ta wu hisa hi nzilo wu nga timekiko. Mika 4:12; Mat. 13:30

Luka 3:9

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi nene ti ta tsemiwa, ti hoxiwa nzilweni. Mat. 7:19

Luka 7:23

I katekile loyi a nga khunguvanyekiko hi kota ya mina.

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

Kuvululelwa 6:17

Hakuva a siku ga hombe ga khulo gabye gi chikele, himani a zi kotako ku yima ke? Tis. 76:7; Zef. 1:14

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

1 Samueli 6:20

A vanhu va le Beti-Xemexe va te ngalo: Himani a ta nga zi kota ku yima mahlweni ka Jehova Nungungulu loyi a basileko ke? Gi taya ka mani a arke loku gi suka lomu ka hina ke?