Malaki 3:1 - Tshwa Bible

¹ Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Malaki 3:1 Mawu Ofanana

Tisimu 110:1

Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Eksodusi 23:20

Languta, nza ruma a ngelosi ya mina mahlweni ka wena, kasi yi fela ku ku hlayisa lomu ndleleni, yi ku chiketa tikweni legi nzi gi longisileko. Deut. 31:3; Isa. 63:9

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Hagai 1:13

Zonake Hagai, a ntsumi wa Jehova, i lo wulawula ni vanhu kota lezi a leletelweko hi Jehova, aku: Nzi na nwina, ku wula Jehova.

Malaki 2:4

Zonake mu ta zi tiva lezaku hi mina nzi mu rumeleko a xileletelo lexi, kasi a xivumelwano xa mina na Levi xi fela ku tiya, ku wula Jehova wa tiyimpi. Mitse. 25:12

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Mateu 11:14

Kutani mu ta vumela ku kholwa, ahati, kanilezi loyi hi yena Elija, loyi va ngaku i tata. Mal. 4:5; Lu. 1:17

Luka 1:76

Na wena nwanana, u ta vitanwa aku muprofeti wa loyi a nga Hehla-Hehla, Hakuva u ta famba mahlweni ka Hosi a ku longisa a tindlela ta yona, Isa. 40:3; Mal. 3:1

Luka 19:47

Yena i wa gonzisa masiku wontihe le tempeleni; kanilezi a vapristi va hombe ni vatsali ni varangeli va vanhu va wa lava ku mu daya. Mar. 11:18; Joh. 7:19; 8:37

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 2:38

Na ata hi xwalexo xikhati, i lo bonga Nungungulu, a wulawula hi nwanana ka vontlhe lava va nga cuwukela a kutirulwa ka Jerusalema.

Luka 2:46

Anzhako ka masiku manharu va lo mu kuma tempeleni, na a tshamile xikari ka vagonzisi, a vazwa ni ku va wutisa ziwutiso;

Mitiro 19:4

Paule aku ngalo: Johani i lo bapatiza hi kubapatiza ka kuhunzuluka, na a byela vanhu lezaku a va kholwe ka loyi a ta ngata hi lenzhako kakwe, hi lezaku ka Jesu. Mat. 3:11; Xip. 1:5; 11:16; 13:24, 25

Mitiro 7:38

Hi yena a nga hi kona hlengeletanweni le xiwuleni, a yima zinwe ni ngelosi leyi yi nga wulawula naye le xitsungeni xa Sinai, zinwe ni vakoko va hina; hi yena a nga amukela a timhaka ta kuhanya, a hi nyika tona. Ekso. 19:3; Isa. 63:9