Malaki 2:7 - Tshwa Bible

⁷ Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Malaki 2:7 Mawu Ofanana

2 Tihosi 16:11

Zonake mupristi Urija i lo aka a alati, a maha zontlhe khwatsi hi lezi hosi Ahaza a leleteleko na a hi le Damasku; i lo maha zalezo mupristi Urija hosi Ahaza na a nga se wuya hi le Damasku.

2 Tihosi 16:16

Zinghaho mupristi Urija i lo maha zontlhe lezi a leletelweko hi Ahaza.

2 Kronekele 30:22

Hezekia i lo wulawula timhaka to tangalisa ka vaLevi vontlhe lava va va tlharihileko ntirweni wa kukhozela Jehova. Va loga lezi zi leletelweko ntlhanu wa masiku ni mambiri, na va kari va tlhava miphahlo ya kubonga, na va dumisa Jehova Nungungulu wa vadadani vabye.

2 Kronekele 31:4

Kambe i lo leletela a vanhu va tiko, a vaaki va Jerusalema, a ku nyika xiavelo xa vapristi ni vaLevi, xiva xiavelo xabye kasi va kuma ntamu ku namarela nayweni wa Jehova.

Ezra 7:10

Hakuva Ezra i wa nyikele mbilu yakwe ntirweni wa ku hlota a nayo wa Jehova, ni ku wu maha, ni ku gonzisa va ka Israeli a zileletelo ni nongameto.

Ezra 7:25

Wena Ezra, hi wutlhari ga Nungungulu wa wena legi u nga nago, yimisa a Valamuli, ni vahloti va ku lamula a vanhu vontlhe le tlhatuko wa congo, u yimisa vontlhe lava va tivako milayo ya Nungungulu wa wena; lava va nga yi tiviko mu Va gonzisa.

Mavingu 5:2

Kasi wa ti hlayisela mano, i milomu ya wena yi hlayisa wutivi

Mutshawuteli 5:5

I chukwana lezaku u nga fungi, ku hunza ku maha xifungo u nga xi tatisi.

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Ezekieli 22:26

A vaprofeti va gona va tlulile a nayo wa mina, va nyenyezisa a zilo za mina za kubasa. A va hambanyisi xikari ka leʼzo basa ni za nyalidede, ge hambu ku tivisa a vanhu a kuhambana ku nga xikari ka zilo zi basileko ni lezi zi nga basangiko. Va tsimba mahlo yabye kasi va nga woni a masabado ya mina, zonake nzi nyenyeziswa xikari kabye. Levi 10:10; Jer. 2:8; Zef. 3:4

Ezekieli 7:26

A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. Jer. 4:20; 18:18

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Levi 10:11

ni lezaku kasi ma zi kota ku gonzisa a vanana va ka Israeli a milayo yontlhe ya Jehova, leyi a leleteleko hi nomu wa Mosi.

Zefania 3:4

A vaprofeti va wona mbo ti kulisa, va nga tsumbekahgiko; a vapristi va wona va nyenyezisile a wutshamu ga kubasa, va byeketa nayo. Jer. 23:11, 32; Ezek. 22:26

Hagai 1:13

Zonake Hagai, a ntsumi wa Jehova, i lo wulawula ni vanhu kota lezi a leletelweko hi Jehova, aku: Nzi na nwina, ku wula Jehova.

Zakaria 7:3

a kuya wutisa a vapristi va yindlu ya Jehova wa tiyimpi ni vaprofeti, vaku: Xana ha ha ta rila hi yila hi hweti ya wuntlhanu, khwatsi hilezi hi zi mahileko hi malembe loya ya kutala ke?

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Mitsengo 27:21

Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.

Johani 13:20

Hizinene nziku ka nwina: Loye a amukelako loyi nzi mu rumako i amukela mina: ni loyi a nzi amukelako mina, i amukela loyi a nzi rumileko. Mat. 10:40; Lu. 10:16

Johani 20:21

Jesu i lo engeta aku kabye; A kurula a kuve ka nwina! Kota lezi Dadani a nzi rumileko, hizalezo na minawu nza mu ruma nwina. Mat. 28:18; 2 Tim. 2:2; Maheb. 3:1

Mitiro 16:17

Yena i lo lanzela Paule na hina, a kanyuluka aku: A vavanuna lava malanza ya Nungungulu a nga Hehlahehla, lava va bako hungu ka nwina hi ndlela ya kuhanyiswa.

2 Va le Korinte 5:20

Hikwalaho hina hi mitsumi ya Kristu, hi Nungungulu a mu khongotelako ha hina; ha mu khongotela hi kota ya Kristu, ngha mu tlhanganyiswa ni Nungungulu. Mal. 2:7; Efe. 6:20

Va le Galatia 4:14

Hambu lezi a kubabya ka mina ku nga hi xiringo ka nwina, a mu nzi kanyisangi hambu ku nzi nyenya; kanilezi mu lo nzi amukela khwatsi hi ngelosi ya Nungungulu, ni ku khwatsi hi Kristu Jesu wutsumbu. 2 Sam. 19:27; Mat. 10:40

Deuteronome 21:5

Ni vapristi, a vana va Levi, va ta tshinela kusuhani, hakuva hi vona lavo Jehova Nungungulu wa wena a va hlawulileko a ku tira ku khozela yena, ni ku katekisa hi vito ga Jehova; hikwalaho a milomu yabye yi ta lamula ni ku rulisa tontlhe timholova ni mahungu wontihe ya ku balesana tiphanja.

Deuteronome 24:8

Ti wonele ka nghumbe ya hlokonho, u ingisa khwatsi ni ku maha zontlhe kota lezi mu ta nga leletelwa hi vapristi va vaLevi; mu maha kota lezi nzi va leleteleko.

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

1 Samueli 2:17

A kubiha ka majaha lawo ku wa hi ka hombe nguvu mahlweni ka Jehova, hakuva va wa kanyisa munyikelo wa Jehova.