Malaki 2:2 - Tshwa Bible

² Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Malaki 2:2 Mawu Ofanana

Tisimu 69:22

Ngha meza yabye yi maha a ziyo kabye, Yiva ntlhamu kutshamekeni kabye. Rom. 11:9

Mavingu 3:33

A xiruko xa Jehova xi lomu ndlwini ya vakubiha, anilezi yena wa katekisa wuakelo ga valulamileko. Levi 26:3

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 47:7

Wena u ngalo: Nzi tava muzinza kala kupinzuka. A ku khatalelangi lezi zilo, A ku alakanyangi lezaku zi ta mbhela. Kuv. 18:7

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Ezekieli 3:7

Kanilezi a yindlu ya ka Israeli yi nga ta ku ingisa, hakuva a va ranzi ku nzi ingisa; yontlhe a yindlu ya ka Israeli mbanhu va tihloko to nonoha ni timbilu to sihalala.

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Hagai 1:9

Mu wa cuwukela zo tala, kanilezi mu kumile zitsongwani; ni laha mu nga zi neha kaya nzi lo zi buveta. Hikuyini, ku wula Jehova wa tiyimpi. Hi kota ya yindlu ya mina yi hahlukileko, laha a munwe ni munwani wa nwina a hatlisako ku aka a yindlu yakwe.

Malaki 2:1

Makunu a xileletelo lexi xa nwina vapristi.

Malaki 3:9

Mu rukilwe hi nzhukano, hakuva mu nzi yivela, nwina nwentlhe va tiko legi.

Luka 17:18

A ku na munwani a tlheleleko a ku ta dumisa Nungungulu, saseka loyi a nga wamatiko.

Joxua 7:19

Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13