Malaki 2:13 - Tshwa Bible

¹³ A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Malaki 2:13 Mawu Ofanana

Nehemia 5:1

Zonake a vanhu va tiko ni vasati vabye va lo vukela a va ka kabye, a vaJuda.

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 21:27

A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Jeremia 11:14

Hikwalaho u nga va kombeleli lava vanhu; u nga dzuki u tlakusa gezu ha vona hi mikombelo, hakuva nzi nga ta vazwa a xikhati va rilako ka mina hi kota ya khombo gabye.

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Malaki 1:10

O loku ku wo khwa i kona xikari ka nwina loyi a nga valako a tinyangwa, kasi mu nga dziveli a nzilo mahala laha alatini ga mina! A nzi xalaliswi hi nwina, ku wula Jehova wa tiyimpi, kambe nzi nga ta amukela a muphahlo wu tiswako hi canja ga nwina.

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

Deuteronome 26:14

Mina a nzi gangi ha zona lomu hlomulweni wa mina, mina a nzi hungulangi nchumu na nzi hi loye a nga basangiko, hambu ni ku nyikela nchumu xa zona hi kota ya vafileko. Nzi ingisile a gezu ga Jehova Nungungulu wa mina, ni kambe nzi mahile zontlhe khwatsi hi lezi u nzi leleteleko.