Malaki 1:6 - Tshwa Bible

⁶ A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 1:6 Mawu Ofanana

Tisimu 123:2

Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Mavingu 17:6

A vazukulu hi xona xidlodlo xa zikhosana; i wudzunzo ga vanana hi vadadani vabye.

Mavingu 30:11

Li kona lixaka li rukako dadani wa lona, i nga dzunziko nyine wa lona.

Mavingu 30:17

A tihlo ga munhu loyi a tseketselako dadani wakwe, i nga vumeliko ku ingisa a nyine wa gona, xikunguwa xa nkova xi ta gi xokola, i mavinyani ya gama ma ta giga. Deut. 27:16

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 43:23

A ku nzi nehelangi a tiyivu ta minyikelo ya ku hiswa; Ge hambu ku nzi bonga hi miphahlo ya wena; A nzi ku bhinzisangi hi minyikelo ya mapa, Ge hambu ku ku rera hi mipepo.

Isaya 45:10

Khombo ka loye a wulako ka raru wakwe, aku: U nzi pswalele yini? Ni ka nyine wakwe aku: U lunwelwe yini ke?

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Jeremia 23:11

Hakuva a vaprofeti ni vapristi vontlhe a va basangi; Nzi kumile a kubiha kabye ni lomu ndlwini ya mina, ku wula Jehova.

Jeremia 3:4

Ni lezi wa ha rila ka mina, uku: Dada! U wa hi munghana wa wuswa ga mina.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 35:16

Kunene a vana va Jonadaba nʼwana Rekabe, va hlayisile a kulayela ka raru wabye, kanilezi a tiko legi a gi nzi ingisangi;

Ezekieli 22:26

A vaprofeti va gona va tlulile a nayo wa mina, va nyenyezisa a zilo za mina za kubasa. A va hambanyisi xikari ka leʼzo basa ni za nyalidede, ge hambu ku tivisa a vanhu a kuhambana ku nga xikari ka zilo zi basileko ni lezi zi nga basangiko. Va tsimba mahlo yabye kasi va nga woni a masabado ya mina, zonake nzi nyenyeziswa xikari kabye. Levi 10:10; Jer. 2:8; Zef. 3:4

Hosea 12:8

Efraime i te ngalo: Kunene, nzi fumile, nzi ti kumele kufuma. A mitirweni ya mina va nga ta kuma nanzu ka mina hambu ni xionho. Kuv. 3:17

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Zefania 3:4

A vaprofeti va wona mbo ti kulisa, va nga tsumbekahgiko; a vapristi va wona va nyenyezisile a wutshamu ga kubasa, va byeketa nayo. Jer. 23:11, 32; Ezek. 22:26

Malaki 2:1

Makunu a xileletelo lexi xa nwina vapristi.

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Malaki 2:8

Kanilezi nwina mu hambukile; hi kugonzisa ka nwina mu khunguvanyisile vanyingi; mu wonhile a xivumelwano xa Levi, ku wula Jehova wa tiyimpi.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 15:4

Hakuva Nungungulu i layile ku ngalo: Chava raru wa wena ni nyine wa wena; niku: Loyi a rukatelako dadani kutani mamani, ngha afa hi kufa. Ekso. 4:12; 21:17; Efe. 6:2

Mateu 15:6

Nwina mu mahile a mhaka ya Nungungulu yi nga hi na ntamu hi kota ya mahanyela ya nwina.

Mateu 19:19

chava raru wa wena ni nyine wa wena, niku, Ranza muakelane wa wena kota lezi u ti ranzako wena. Levi 19:18; Rom. 13:9

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Mateu 7:21

A hi vona vontlhelele lava va nge ngalo ka mina: Hosi, Hosi, va ta nga enghena mufunweni wa tilo; kanilezi sine loyi a mahako a kuranza ka Dadani wa mina loyi a nga le tilweni. Miti. 19:13; Rom. 2:13; Jak. 1:22

Marku 10:19

Wa yi tiva milayo leyi yi nge ngalo: U nga dayi, U nga bhayi, U nga yivi, U nga mahi wukustumunyu ga mawunwa, U nga kalaveli, Chava raru wa wena ni nyine wa wena. Ekso. 20:12-16; Rom. 13:9

Marku 7:10

Mosi i te ngalo: Chava raru wa wena ni nyine wa wena; niku: Loyi a rukatelako raru Wakwe kutani nyine wakwe, ngha afa hi kufa; Ekso. 20:12; Levi 20:9; Deut. 5:16

Luka 10:29

Kanilezi yena na a xuva ku ti lulamisa, aku ngalo: Himani wakelene na mina ke?

Luka 18:20

Wa yi tiva milayo leyi yi nge ngalo: U nga bhayi, U nga dayi, U nga yivi, U nga mahi wukustumunyu ga mawunwa, Chava raru wa wena ni nyine wa wena. Ekso. 20:12, 16; Rom. 13:9

Luka 6:36

Ngha mu hi ni wuxinji, khwatsi hilezi a Raru wa nwina a nga ni wuxinji.

Luka 6:46

Hi yini mu nzi vitanako, muku: Hosi, Hosi, na mu nga mahi lezi nzi zi wulako ke? Mal. 1:6; Mat. 7:21; 25:11

Va le Efesusi 6:2

Chava a raru wa wena ni nyine wa wena (lowu hi nayo wo ranga wu nga ni xitsumbiso), Ekso. 20:12; Deut. 5:16; 27:16; Jer. 35:8; Mat. 15:4

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11