Malaki 1:2 - Tshwa Bible

² Nzi mu ranzile, ku wula Jehova. Kanilezi mu ngalo: U hi ranzile hi yini? Esau i wa hi nakulobye wa Jakobe ku wula Jehova: hambu zi hi tano, nzi lo ranza Jakobe,

Malaki 1:2 Mawu Ofanana

Genesisi 25:23

Jehova i te ngalo kakwe: Ku kona matiko mambiri lomu nzeni ka wena; ku ta hambana lomu nyimbeni ya wena ku maha tixaka timbiri; linwani lixaka li ta hlula linwani; a nhonzwa i ta khozela nzisana. 2 Sam. 8:14; Mal. 1:2; Rom. 9:10

Genesisi 25:25

Ku lo huma wo sangula na a pswhukile, na a ku khwatsi i nguwo ya woya a miri wontihe; va lo mu chula vito gakwe ku ngalo hi Esau.

Genesisi 25:26

Hi lenzhako kakwe ku lo huma makabye wakwe, na canja gakwe a khomile xirenze xa Esau; a vito gakwe gi lo chulwa ku ngalo hi Jakobe. Na Isaka i wa hi ni 60 wa malembe kubelekweni kabye. Esau a xavisa a wutewula gakwe.

Genesisi 27:33

Isaka i lo dzuka hi kururumela ka hombe nguvu, aku: Himani yena loyi a nga nzi hlotela nyama, a yi neha ka mina? Nzi loga yontlhe na u nga se ku chikela wena, nzi lo mu katekisa. Hakunene a xikatekiso xi na yena.

Genesisi 48:4

aku ka mina: Nzi ta ku nyika kubeleka nzi ku anzisa, nzi ta ku maha matiko manyingi, nzi ta ku nyika legi tiko, wena ni pswalo wa wena anzhako ka wena, yi tava a tshomba ya kala kupinzuka.

1 Tihosi 10:9

A ku khesiwe Jehova Nungungulu wa wena, loyi a xaleleko ha wena, a ku ku yimisa xitshanwini xa wuhosi xa ka Israeli! Jehova i ku yimisile a kuva hosi, u lamula ni ku tsema timhaka, hakuva wa ranza va ka Israeli kala kupinzuka.

2 Tihosi 3:8

Yena a ku ngalo: Hi ta famba hi yihi ndlela ke? Jehoramu aku: Hi ta famba hi ndlela ya xiwula xa le Edomi.

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 2:5

Jehova i ngalo: Xana kubiha muni a vararu va nwina va ku kumileko ka mina ke? Lezi va tshamako va tsawukene na mina, Va lanzela zifananiso zi nga vuniko, Va hunzuka vava lava va nga nyawuliko? 2 Tih. 17:15; Rem. 1:21

Jeremia 31:3

Jehova i wonekile ka mina hi le kule, aku: Nzi ku ranzile hi liranzo li nga gumelwiko; Nza ku hlayisela a tipswalo ta mina.

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Malaki 2:17

Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?

Luka 10:29

Kanilezi yena na a xuva ku ti lulamisa, aku ngalo: Himani wakelene na mina ke?

Johani 15:12

A nayo wa mina hi lowu, lezaku mu ranzana, khwatsi hilezi mina nzi mu ranzileko. Xip. 13:34; 1 Tes. 4:9; 1 Joh. 3:11

Deuteronome 10:15

Kanilezi Jehova i wa tangaliswa hi vararu va nwina, a va ranza; a kala a hlawula a vana vabye anzhako ka vona, a mu hlawula nwina xikari ka matiko wontihe, khwatsi hi lezi mu zi wonako inyamutlha.

Deuteronome 23:5

Hambu lezo Jehova Nungungulu wa wena a nga vumelangi ku ingisa Balaami; hikwalaho Jehova Nungungulu wa wena i lo hunzulusa kuphunga ku maha xikatekiso, hakuva Jehova Nungungulu wa wena i wa ku ranza.

Deuteronome 33:3

Ina, yena wa ranza a tiko gakwe, Vontlhe va kubasa va gona va le canjeni ga wena, Vona va tshama laha mikonzweni ya wena, Va amukela a timhaka ta wena.

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,