Maheberu 9:26 - Tshwa Bible

²⁶ Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Maheberu 9:26 Mawu Ofanana

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

Joba 7:21

Hikuyini u nga tsetseleliko zihambunyeto za mina, U susa kugoha ka mina ke? Hakuva lokuloku nzi ta etlela tshurini, Loku u nzi lava ni mixo, nzi ta vumaleka.

Tisimu 103:12

Khwatsi hi kutsawukana ka Mutsuwuka-gambo ni Muhlwa-gambo, I susile kule kota lezo a zionho za hina.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Mateu 13:39

a nala loyi a nga va xwanya hi Satani; a kutshovela hi kugumesa ka tiko; ni vatshoveli hi tingelosi. Joeli 3:13; Kuv. 14:15

Mateu 13:40

Kota lezi a nyasavari a hlengeletelwako a hiswa hi nzilo, ku tava nghaho kugumeseni ka tiko.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

1 Va le Korinte 10:11

Zontlhe lezi zi lo humelela ka vona kasi ku maha xikombiso, zi lo tsaliwa kasi ku hi luleka, hina lava hi chikelelweko hi zikhati zo gumesa. Rom. 15:4; Maheb. 10:25

Va le Galatia 4:1

Mina nziku: Laha a xigatshomba na xa ha hi xihlangi a xi hambani nchumu ni khumbi, hambu lezi xi nga hosi ya zontlhe;

Va le Efesusi 1:10

lezaku a yimisa a xaxameto a kumbheleni ka xikhati, lowu ha wona a ta nga tlhanganyisa zilo zontlhe ka Kristu, a zilo za le matilweni ni lezi za laha misaveni. 1 Kor. 3:22; Fil. 2:9; Maheb. 9:10

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Maheberu 10:12

Kanilezi yena, laha na a nyikele a munyikelo munwe ntsena hi kota ya zionho, i tshamile kala kupinzuka canjeni ga xinene ga Nungungulu, Kol. 3:1

Maheberu 10:26

Hakuva loku hi onha ha womu anzhako ka kuva na hi tivile zinene, a wa ha hi kona a muphahlo wa zionho; Mitse. 15:30; 2 Ped. 2:20

Maheberu 10:4

Hakuva a zi koteki lezaku a nkhata wa tikuzi ni timbuti wu susa zionho. Mika 6:6, 7

Maheberu 4:3

Hakuva hina lava hi kholilweko ha enghena kuhumuleni loku, kota lezi a ngaku ngalo: Lezo nzi lo hlambanya zangeni ya mina, nziku: Va nga ta enghena kuhumuleni ka mina; a wula lezo hambu lezi a nga wa hetile mitiro yakwe hi le kuvangiweni ka misava. Tis. 95:11; Xip. 3:11

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Maheberu 9:12

Kambe a nga enghenangi lomu Wutshanwini go Basabasa na hi ni nkhata wa timbuti ni marole, kanilezi na hi ni nkhata wakwe yena wutsumbu i lo enghena kanwe, a kuma kutirulwa ka pinzukelwa. Dan. 9:24; Zak. 3:9; Kuv. 1:5

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

1 Johani 3:5

Nwina ma zi tiva lezaku yena i lo wonekeliswa kasi ku susa zionho za hina; a ka yena a ku na xionho. Isa. 53:5, 6; 2 Kor. 5:21

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10