Maheberu 9:15 - Tshwa Bible

¹⁵ Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Maheberu 9:15 Mawu Ofanana

Tisimu 37:18

Jehova wa tiva a masiku ya lava va mbheleleko, Ni tshomba yabye yi ta simamisa kala kupinzuka.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Mateu 19:29

Zonake ni wihi loyi a siyileko tiyindlu, kutani vanakulobye, kutani vamakabye, kutani raru, kutani nyine, kutani vanana, kutani zipetso hi kota ya vito ga mina, i ta kuma a za kutala ku hunza, i taga a tshomba ya wutomi ga pinzukelwa.

Mateu 22:3

Yi lo rumela a malanza ya yona a ku ya vitana lava va rambilweko mubuzweni; kanilezi va lo ala kuta.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Mateu 25:36

nzi wa hi ni wuna, mu lo nzi ambexa; nzi wa babya, mu lo ta nzi kamba; nzi wa hi le paxweni, mu lota ka mina.

Marku 10:17

Laha a nga huma a goxometa ndleleni, a munhu i lo tsutsumela kakwe, a khizama mahlweni ka yena, a mu wutisa, aku: Mugonzisi wa nene, nzi ta maha yini, kasi nzi fela kuga a tshomba ya wutomi ga pinzukelwa ke? Mat. 19:16; Lu. 18:18

Luka 18:18

A mufumeli wo kari i lo mu wutisa, aku: Mugonzisi nene, nzi ta maha yini kasi nzaga a tshomba ya wutomi ga pinzukelwa ke? Mat. 19:16; Mar. 10:17

Luka 22:20

Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16

Johani 10:28

Nza ti nyika a wutomi ga pinzukelwa; cima ti nga tafa, ni kambe, a nga kona loyi a ta nga ti wutla canjeni ga mina. Xip. 6:37; 17:11, 12; 18:9

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Va le Roma 5:10

Hakuva loku hi tlhanganyisilwe na Nungungulu hi kota ya kufa ka Nʼwana wakwe, na hi wa ha hi valala, nguvunguvu lezi makunu hi tlhanganyisilweko hi ta hanyiswa hi wutomi gakwe. Joh. 14:19; 2 Kor. 5:13

Va le Roma 5:6

Hakuva na ha hi ni gome, Kristu i lo fela hi xikhati xi faneleko lava va nga chaviko Nungungulu.

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

Va le Roma 8:30

Lava a nga va yimisa hi kale, valava i lo va vitana, ni lava a va vitanileko i lo tlhela a va hlayela kululama; ni lava a nga va hlayela kululama i lo engeta a va kulisa. 1 Kor. 1:24; 6:11; Efe. 4:4

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

2 Va le Korinte 3:6

loyi a nga hi maha a kuva hi ringana a ku maha zitiri za xivumelwano xiswa; na ku nga hi lexi xa kutsala, kanilezi xa Moya; hakuva a nayo wu tsalilweko wa daya, kanilezi a Moya wa hanyisa. Jer. 31:31; Joh. 6:63; Mat. 26:28; Rom. 2:27; 3:20; 7:6; 8:2

Va le Galatia 3:20

Makunu a mutlhanganyisi a hi mutlhanganyisi wa munwe ntsena. Kanilezi Nungungulu munwe. Rom. 3:29

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

2 Va le Tesalonika 2:14

Hizalezo a mu vitaneleko zona hi ivangeli ya hina, kasi ma hlengela a kungangamela ka Hosi ya hina Jesu Kristu.

1 Timote 2:5

Hakuva ku kona Nungungulu munwe ntsena, kambe ni mutlhanganyisi munwe xikari ka Nungungulu ni vanhu, Kristu Jesu a nga munhu a wutsumbu gakwe. Gal. 3:20; Maheb. 9:15

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Titusi 3:7

kasi na hi hlayelwe kululama hi tipswalo takwe, hi fela kuva ni kutsumba a ku mahiwa zigatshomba za wutomi ga pinzukelwa.

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

Maheberu 10:36

Hakuva za laveka lezaku mu hi ni kutimisela, kasi loku mu mahile a kuranza ka Nungungulu, mu fela ku kuma lezi zi nga tsumbisiwa. Lu. 21:19; Kol. 3:24

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

Maheberu 6:13

Hakuva laha Nungungulu a nga tsumbisa ka Abrahama, i lo hlambanya hi wutsumbu gakwe, kota lezi ku nga hi hava a wahombe ku hunza yena wa ku hlambanya ha yena.

Maheberu 6:15

Zinghaho Abrahama na a timisele hi lihlaza-mbilu, i lo kuma lezi a tsumbisilweko zona.

Maheberu 7:22

Hizalezo Jesu i mahile a mutiyisi wa xivumelwano xi nene ku hunza lexi xa kale:

Maheberu 8:13

Lezi a nge ngalo: A xivumelwano xiswa, i kombisa lezaku lexi xo ranga xa kale makunu. Kanilezi lexi xi mahako xa kale xi guhala xi le kusuhi ni ku nwalala. 2 Kor. 5:17

Maheberu 9:12

Kambe a nga enghenangi lomu Wutshanwini go Basabasa na hi ni nkhata wa timbuti ni marole, kanilezi na hi ni nkhata wakwe yena wutsumbu i lo enghena kanwe, a kuma kutirulwa ka pinzukelwa. Dan. 9:24; Zak. 3:9; Kuv. 1:5

Maheberu 9:16

Hakuva loku gi hi kona a papilo gi leletelako hi tlhelo ga tshomba, ku fela ku bikiwa hi kufa ka loyi a gi tsalileko.

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24