Maheberu 9:14 - Tshwa Bible

¹⁴ nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 9:14 Mawu Ofanana

2 Samueli 4:11

Ku ta kuyini loku a vakubiha va dele a munhu a lulamileko lomu ndlwini yakwe laha mubhedini wakwe, nzi nga ta lava a nkhata wakwe mandleni ya nwina, nzi mu lovisa laha misaveni ke?

2 Tihosi 19:16

Jehova, phuhunha a ndleve ya wena, uzwa! Jehova, vulula a mahlo ya wena u cuwuka; uzwa a timhaka ta Senakeribe, leti a ti rumeleko ku ta rukatela a Nungungulu loyi a hanyako.

Joba 15:16

I ta tsumbisa kuyini a munhu wa kubiha ko hunzeleta, Loyi a nwako kuonha kukotisa a mati?

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Eksodusi 12:5

Ni yivana a yive ya hamba leyi yi nga lamalangiko, na yi hi ni lembe ginwe; mu ta yi hlawula xikari ka tiyivu kutani xikari ka timbuti.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 53:9

Va lo mu lahla zinwe ni vaonhi, A kufeni kakwe i wa hi zinwe ni vanhu va fumileko, Kanilezi a nga gohangi nchumu, Ge hambu ku khohlisa hi nomu wakwe, Joh. 8:46; 2 Kor. 5:21; 1 Ped. 2:22

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Ezekieli 45:18

Hosi Jehova i ngalo: Hi hweti yo ranga, hi siku go sangula ga hweti, u ta teka a honwana yi nga hiko na vala, u basisa a yindlu ya kubasa.,

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Levi 22:20

Mu nga nyikeli hi xihari xi nga ni bawa, hakuva mu nga ta amukeleka hi muphahlo wo maha lezo.

Mitsengo 28:11

Kusanguleni ka hweti yinwe ni yinwani mu ta nyikela ka Jehova a munyikelo wa kuhiswa wa tinkuzi timbiri, ni hamba, ni 7 wa tihambana ta lembe ginwe a wukale, ti nga hiko na bawa;

Mitsengo 28:3

U ta va byela uku: A miphahlo ya kuhiswa leyi mu ta nga nyikela ka Jehova hi leyi: Siku ni siku mu ta nyikela tihamba timbiri ta lembe ginwe a wukale, ti nga hiko na bawa. Wu tava munyikelo wa kuhiswa wa masiku ni masiku. Ekso. 29:38

Mitsengo 28:9

Hi siku ga sabado ku ta nyikelwa tihambana timbiri ta lembe ginwe a wukale, ti nga hiko na bawa, ni munyikelo wa xipanze xa wumbiri xa mapa ma nanaselweko ma vuvilweko hi mafura, zinwe ni munyikelo wa kunwa.

Mateu 12:28

Kanilezi loku nzi hlongola madimoni hi Moya wa Nungungulu, hakunene a mufumo wa Nungungulu wu tile ka nwina. Dan. 2:44; Lu. 1:33

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 7:11

Hikwalaho loku nwina, na mu bihile, mu zi tiva ku nyika leʼzo saseka ka vanana va nwina, nguvunguvu a Raru wa nwina wa le tilweni a nga ta va nyika zilo zo saseka lava va mu kombelako ke?

Luka 1:74

A ku hi nyika lezaku laha na hi tlhatlhekile mandleni ya valala va hina Hi ta mu tirela na hi nga chavi nchumu, Rom. 6:18

Luka 12:24

Hi nga cuwuka ni zikunguwa; a zi byali, hambu ni ku tshovela; a zi na gomba hambu ni zigurumbu, kanilezi Nungungulu wa zi wundla; kasike nwina mu hunza nguvu tinyanyani! Joba 38:41; Tis. 147:9

Luka 12:28

Makunu loku Nungungulu a ambexisa lezo a byanyi, legi gi nga kona masinwini nyamutlha, kasi hi manziko gi ta hoxwa nzilweni; a nga ta hunzeleta ku mu ambexa xana, nwina lava va kukholwa ku tsongwanyani ke?

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Mitiro 1:2

ku kala siku lego a nga tlakuselwa tilweni, anzhako ka kuva a layile hi Moya wa ku Basa a vapostoli lava a nga va hlawulile. 1 Tim. 3:16; Maheb. 1:3

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Va le Roma 1:20

Hakuva a matshamela yakwe ma nga wonekiko, wu nga ntamu wakwe wa pinzukelwa ni wunungungulu gakwe, ma wonekile maku dlunya kusukela kuvangiweni ka misava, hakuva ma tibyiwa hi mitiro yakwe. Hikwalaho a va na ku ti pendla. Tis. 19:1

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Va le Roma 11:12

Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11

Va le Roma 11:24

Lezi wena u nga tsemiwa lomu sinyeni leyi yi nga ya khwati hi mahanyela, u tlhomiwa lomu sinyeni yo saseka ya oliva na ku nga hi mahanyela; nguvunguvu lava va nga maravi ya zimilwa, va ta tlhomiwa lomu sinyeni yabye ya oliva.

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

1 Va le Korinte 15:45

Ku tsalilwe ku ngalo: A munhu wo sangula, Adamu, i lo maha muhefemulo wu hanyako. Na Adamu wo gumesa i lo maha a moya wu hanyisako. Gen. 2:7; Joh. 5:21; 6:33; Rom. 5:14; Kol. 3:4

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Va le Galatia 2:19

Hakuva hi kota ya nayo nzi file hi tlhelo ga nayo, lezaku nzi fela ku hanyela Nungungulu. Rom. 6:14; 8:2; Maheb. 9:14

Va le Efesusi 2:5

i lo hi hanyisa zinwe na Kristu laha hi nga file hi kota ya zihambuko za hina (mu hanyisilwe hi tipswalo). Rom. 5:6; 6:4

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Deuteronome 15:21

Ni loku a xifuyo xi lamele, kutani na xi khwita, kutani na xi file mahlo, kutani na xi ni wulema ginwani ga hombe, u nga xi nyikeli ka Jehova Nungungulu wa wena laha maganzelweni. Mal. 1:8, 13

Deuteronome 17:1

U nga mu tlhaveli Jehova Nungungulu wa wena a xifuyo xa hombe, hambu xa xitsongwani lexi xi nga ni bawa kutani mbulema, hakuva lezo za yila nguvu mahlweni ka Jehova Nungungulu wa wena.

Deuteronome 31:27

Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Maheberu 10:12

Kanilezi yena, laha na a nyikele a munyikelo munwe ntsena hi kota ya zionho, i tshamile kala kupinzuka canjeni ga xinene ga Nungungulu, Kol. 3:1

Maheberu 10:2

Hakuva loku zi wa hi tano, ngha va tsikile a ku nyikela, hakuva a vakhozeli loku va basisilwe kanwe, ngha va nga zwangi kambe a livalo la zionho.

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 11:21

Hi kukholwa Jakobe laha a nga kari afa, i lo katekisa a vana vambiri va Josefa, a khongela na a khegele hehla ka chetengelo wakwe. Gen. 47:31; 48:5

Maheberu 13:12

Hizalezo na Jesu i lo xaniseka lahandle ka nyangwa, lezaku a fela ku basisa vanhu hi nkhata wakwe. Joh. 19:17

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 6:1

Hikwalaho a hi tsikeni ku wulawula hi timhaka to sangula ta gonzo ya Kristu, hi komama mahlweni kumbheleni; hi nga ha aki a xiseketelo, ku nga kuhunzuluka mitirweni leyi yi fileko, ni kukholwa ka Nungungulu, Fil. 3:12-14; Xip. 5:12

Maheberu 7:16

loyi a yimisilweko a kuva mupristi hi kota ya ntamu wa wutomi gi nga mbheliko, na ku nga hi kota ya nayo wa kulaya ka nyama.

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Maheberu 9:12

Kambe a nga enghenangi lomu Wutshanwini go Basabasa na hi ni nkhata wa timbuti ni marole, kanilezi na hi ni nkhata wakwe yena wutsumbu i lo enghena kanwe, a kuma kutirulwa ka pinzukelwa. Dan. 9:24; Zak. 3:9; Kuv. 1:5

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Maheberu 9:7

Kanilezi lomu xipetsweni xa wumbiri ku enghena mupristi wa hombe yece, a enghena kanwe hi lembe; kanilezi a nga engheni a handle ka loku a hi ni nkhata, lowu a phahlelako ha wona hi kota ya wutsumbu gakwe, ni zihambuko za vanhu. Ekso. 30:10; Xip. 7:27

Maheberu 9:9

Hakuva a xipetso lexi mufananiso wu xungetako a xikhati lexi, lexi ha xona ku humeswako a minyikelo ni miphahlelo leyi yi nga zi kotiko ku mbhelelisa a livalo la mukhozeli wa kona, Gal. 3:21

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Pedro 2:22

Yena a nga onhangi, ni kukanganyisa a ku kumiwangi nonwini wakwe; Isa. 53:9; Lu. 23:41

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Pedro 4:2

lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 3:5

Nwina ma zi tiva lezaku yena i lo wonekeliswa kasi ku susa zionho za hina; a ka yena a ku na xionho. Isa. 53:5, 6; 2 Kor. 5:21

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?