Maheberu 8:9 - Tshwa Bible

⁹ Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; Hakuva a va simamisangi xivumelwaneni xa mina, Na minawu a nzi va khatalelangi, ku wula Hosi.

Maheberu 8:9 Mawu Ofanana

Genesisi 19:16

Kanilezi na a ha rivateka, a madota ma lo mu khoma hi canja, ni canja ga sati, ni canja ga vanhwana vakwe va vambiri, hakuva Jehova i wa hi ni tipswalo ka yena, i lo mu humesa a mu yisa lahandle ka muti.

Joba 8:20

Languta, Nungungulu cima a nga ta hoxa a munhu a lulamileko, Ge hambu a ku vunetela a vamahi va kubiha.

Tisimu 105:43

A humesa vanhu vakwe hi kutsaka, Ni vahlawulilweko vakwe hi kuyimbelela.

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Eksodusi 34:10

Jehova i lo hlamula, aku: Languta, nza maha xivumelwano. Nzi ta maha zihlamaliso mahlweni ka vanhu va wena vontlhe, lezi zaku cima a zi se nga mahiwa laha misaveni yontlhe, hambu ni ka gihi tiko. Zonake a vanhu vontlhe lava u nga xikari kabye, va ta wona a ntiro wa Jehova; hakuva lezi nzi ta nga zi maha ha wena zi tava zilo zi riwukisako.

Xizimba xa ka Solomoni 8:5

Himani loyi a tako hi le xiwuleni, A khegeleko laha ka muranziwa wakwe? Nzi lo ku vuxa na u hi hasi ka sinya ya mamasa, Laho u belekelweko kona hi mamani wa wena, Kwalaho a ngazwa kubayiseka, a ku beleka.

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 41:13

Hakuva hi mina Jehova Nungungulu wa wena loyi nzi khomako a canja ga wena ga xinene, Nziku: U nga chavi, nzi ta ku vunetela. Deut. 31:6; Jox. 1:9

Isaya 51:18

Xikari ka varisanyana lava a va psweleko a nga kona a mu rangeleko, Ge hambu ni munwe wa ku mu khoma hi canja xikari ka lava a va wundlileko.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Mikosi 4:16

A nghohe ya Jehova yi va hangalasile, a nga ha va khataleli; Va wa nga hi na xichavo ka vapristi, a va zwelangi wuxinji a zikhosana.

Ezekieli 16:59

Hakuva Hosi Jehova i ngalo: Nzi ta ku tlhelisela kota mitiro ya wena, hakuva u kanyisile a xifungo u tshova a xivumelwano.

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Marku 8:23

Yena i lo khoma a xikhumu hi canja, a xi humesa mutini; laha na a phelele a mahlo ya xona, i lo tlhateka mandla yakwe hehla ka xona, a xi wutisa, aku: Wa wona nchumu ke? Xip. 7:33

Mitiro 13:11

Makunu, languta, a canja ga Hosi gi le hehla ka wena, u tava xikhumu, u nga ha woni gambo hi xikhati xo kari. Zalezo i lo chikelelwa hi kupfhupela ni munyama; a hulumetela na a lava wo mu koka hi canja. Ekso. 9:3; 2 Tih. 6:18

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Mitiro 9:8

Saule i lo vuka hi lahasi; kanilezi laha a nga vulule mahlo a nga wonangi nchumu; va lo mu koka hi canja, va mu enghenisa Damasku.

Va le Galatia 4:24

A mhaka leyi xipimanyiso, hakuva a vavasati lava va komba xivumelwano zimbiri; xinwe xa le xitsungeni xa Sinai, xi belekako vanana wukhumbini, hi yena Hagari.

Deuteronome 29:1

Leti hi timhaka ta xivumelwano lexi Jehova a nga leletela Mosi a ku maha zinwe ni vanana va ka Israeli le tikweni ga Moabi, ahandle ka xivumelwano lexi a nga xi maha zinwe navo le Horebe.

Deuteronome 29:12

Mu yimile laha kasi nwina mu fela ku enghena ka xivumelwano xa Jehova Nungungulu wa nwina, lexi xi tiyiswako hi kuhlambanya, lexi Jehova Nungungulu wa wena a xi mahako zinwe na wena legi siku.

Deuteronome 29:25

Zonake a vanhu va ta hlamula, vaku: Hi lezi va tsikileko xivumelwano xa Jehova Nungungulu wa vararu vabye, lexi a mahileko zinwe na vona xikhatini lexo a nga va humesa hi le Gipite;