Maheberu 7:27 - Tshwa Bible

²⁷ loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Maheberu 7:27 Mawu Ofanana

Ezekieli 43:19

U ta nyika a vapristi va ka Levi va nyimba va Zadoke, lava va tshinelako mahlweni ka mina kasi ku nzi tirela, ku wula Hosi Jehova, u va nyika a honwana a kuva a munyikelo wa kuonha.

Levi 16:11

Na Aroni i ta neha a nkuzi ya muphahlelo wa kuonha, leyi yakwe wutsumbu, a ti mahela a nzhiho zinwe ni ngango wakwe; a yi tlhava a nkuzi yakwe ya muphahlo wa kuonha.

Levi 16:15

Zonake i ta tlhava a mhongo leyi yi lumbako a vanhu, a maha muphahlelo wa kuonha, ni ku neha a nkhata wa yona lomu nzeni ka nguwo ya xisirelo; na yena i ta maha hi nkhata lowu kota lezi a mahileko hi nkhata wa nkuzi; a nwatsekela ha wona le hehla ka xitshamu xa wuxinji ni mahlweni ka xona.

Levi 16:6

Aroni i ta humesa a nkuzi yakwe ya muphahlelo wa kuonha, a ti mahela a nzhiho zinwe ni ngango wakwe.

Va le Roma 6:10

Hakuva a kufa loku a ngafa ha kona, i lofa kanwe hi tlhelo ga kuonha; kanilezi a kuhanya loku a hanyako ha kona, i hanyela Nungungulu.

Va le Efesusi 2:22

loyi mu akilweko khatiginwe ka yena, mu maha a yindlu ya Nungungulu le Moyeni. Joh. 17:23; 1 Ped. 2:5

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 5:1

Hakuva ni wihi wa vapristi va hombe, loku a langilwe xikari ka vanhu, i vekiwa kasi ku yimela vanhu ka zilo za Nungungulu, lezaku a nyikela minyikelo ni miphahlelo hi kota ya zionho. Xip. 2:17; 8:3, 4

Maheberu 5:3

hi kota ya gona, loku a phahlela hi kota ya zionho za vanhu, i yimelwe hi ku phahlela hi kota ya zakwe. Levi 4:3; Xip. 7:27; 9:7

Maheberu 8:4

Makunu loku a wa hi kona misaveni ngha a nga hi mupristi, hakuva va kona lava va nyikelako minyikelo kota nayo;

Maheberu 9:12

Kambe a nga enghenangi lomu Wutshanwini go Basabasa na hi ni nkhata wa timbuti ni marole, kanilezi na hi ni nkhata wakwe yena wutsumbu i lo enghena kanwe, a kuma kutirulwa ka pinzukelwa. Dan. 9:24; Zak. 3:9; Kuv. 1:5

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 9:25

Tlhatakumbiri, a nga enghenangi kanyingi kasi ku maha nzhiho hi wutsumbu gakwe, khwatsi hilezi a mupristi wa hombe a enghenako Wutshanwini go Basabasa lembe ni lembe, na hi ni nkhata lowu wu nga hiko wakwe.

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Maheberu 9:7

Kanilezi lomu xipetsweni xa wumbiri ku enghena mupristi wa hombe yece, a enghena kanwe hi lembe; kanilezi a nga engheni a handle ka loku a hi ni nkhata, lowu a phahlelako ha wona hi kota ya wutsumbu gakwe, ni zihambuko za vanhu. Ekso. 30:10; Xip. 7:27