Maheberu 6:7 - Tshwa Bible

⁷ Hakuva a misava leyi yi nwako a vula leyi yi nako kanyingi hehla ka yona, loku yi milisa a zibyalo zi vunako lava yi rimelweko vona, yona misava yi katekiswa hi Nungungulu.

Maheberu 6:7 Mawu Ofanana

Genesisi 1:11

Nungungulu aku ngalo: A misava a yi humese a byanyi ni matsawu lawa ma pswalako mbewu, ni tisinya ti pswalako mihanzu leyi yi nga ni mbewu ya yona, hi tixaka ta tona laha misaveni. Ku lo mahisa lezo.

Genesisi 27:27

I lo tshinela, a mu pswopswa; i lozwa a masema ya tinguwo takwe, i lo mu katekisa, aku: Languta masema ya nʼwana wa mina, Ku khwatsi masema ya simu gi katekisilweko hi Jehova. Maheb. 11:20

Tisimu 126:6

Va famba na va xwanya a mbewu na va kari va rila, Va wuya hi kutsaka na va rwele milumbe yabye. Isa. 35:10

Tisimu 24:5

Yena i ta amukela a xikatekiso hi ka Jehova, Ni kululama hi ka Nungungulu wa kuhanyiswa kakwe.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Levi 25:21

Mina nzi ta mu katekisa nguvu; a lembe ga wuntlhanu ni ginwe gi ta pfuna a kuga ku ringanako malembe manharu;

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Mateu 7:8

Hakuva kani hi mani a kombelako, wa nyikiwa; ni loyi a lavako wa zi kuma; ni loyi a gongonzako i ta vululelwa. Mav. 8:17; Jer. 29:12

2 Timote 2:6

A murimi loyi a tirileko a ntiro wa kona, hi yena a faneleko ku amukela a xiavelo xo ranga xa mihanzu.

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14