Maheberu 3:12 - Tshwa Bible

¹² Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 3:12 Mawu Ofanana

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Joba 21:14

Hambu lezi va ngaku ngalo ka Nungungulu: Suka ka hina, Hakuva a hi ranzi a ku tiva a tindlela ta wena!

Joba 22:17

Lava va teku ka Nungungulu: Suka ka hina! Xini a nga hi mahelako a Nyamintamu ke?

Tisimu 18:21

Hakuva nzi hlayisile a tindlela ta Jehova, A nzi onhangi nzi fularela a Nungungulu wa mina;

Mavingu 1:32

Hakuva a vo kala kupima va ta hihiritwa kupengeni kabye, i kuvuvuma ka zipumbu ku ta va lovisa.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 17:5

Jehova i ngalo: I rukatelwe a munhu loyi a tsumbako munhu, A mahako nyama yiva woko gakwe, A mbilu yakwe na yi hambene na Jehova.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 18:12

Kanilezi va ta hlamula, vaku: Wa ti karatela mahala, hi ta maha kuranza ka hina venyi, a munwe ni munwani i ta maha kota kunonoha ka mbilu yakwe yo biha.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.

Hosea 1:2

Laha Jehova a nga ranga a wulawula na Hosea, aku: Famba, uya teka a sati wa wubhayi ni vanana va wubhayi, hakuva a tiko ga maha wubhayi gi fularela Jehova. Vala. 8:33; Ezek. 16:15

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Mateu 24:4

Jesu i lo hlamula aku ngalo kabye: Ti woneleni kasi mu nga pengiswi hi munhu. Efe. 5:6

Marku 13:23

Kanilezi ti woneleni nwina; langutani, nzi mu byelile zontlhe na zi nga se ku humelela. 2 Ped. 3:17

Marku 13:33

Tlharihani, mu rinzela ni ku khongela; hakuva a mu zi tivi lezaku xi tava xikhati muni. Mat. 24:42; Lu. 12:40; Rom. 13:11

Marku 13:9

Kanilezi ti woneleni nwina; hakuva va ta mu yisa tihubyeni, mu biwa masinagogeni; mu ta yima mahlweni ka vafumeli ni tihosi hi kota ya mina, muva vakustumunyu va mina mahlweni kabye. Mat. 10:17, 18; Kuv. 2:10

Luka 21:8

Yena aku ngalo: Tlharihani lezaku mu nga pengiswi; hakuva vanyingi Va tata hi vito ga mina, va taku: Nzi mina yena; niku: A xikhati xi tshinele; kanilezi mu nga va lanzeli. Mat. 24:4; Efe. 5:8; 2 Tes. 2:3

Va le Roma 11:21

Hakuva loku Nungungulu a nga tsikangi a maravi ya zimilwa, a nga ta ku tsika na wena.

1 Va le Korinte 10:12

Hikwalaho loyi a alakanyako lezaku i yimile, a ti wonele, a nga dzuka awa.

Va le Kolosi 2:8

Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu. Jer. 29:8; Mat. 15:2; Maheb. 13:9

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

Maheberu 10:31

Za chavisa a ku wela mandleni ya Nungungulu a hanyako. Lu. 12:5

Maheberu 10:38

Loyi a lulamileko wa mina i ta hanya hi kukholwa; Kanilezi loku a tlhelela nzhako, a muhefemulo wa mina a wu tsaki ha yena. Gal. 3:11

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

Maheberu 3:10

Hikwalaho nzi wa zangarele lexo xizukulwana, Nziku: Vona va lahleka xontlhe xikhati timbilwini tabye. Kanilezi a va tivangi a tindlela ta mina.

Maheberu 3:19

Hikwalaho ha zi wona lezaku a va zi kotangi ku enghena hi kota ya kungakholwi. Xip. 4:6

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14