Maheberu 3:1 - Tshwa Bible

¹ Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

Maheberu 3:1 Mawu Ofanana

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

Ezekieli 18:28

Hakuva a ehleketako, a tsika zihambunyeto zakwe lezi a zi mahileko, hizinene i ta hanya, a ngafi.

Hagai 1:5

Hikwalaho Jehova wa tiyimpi i ngalo: Ehleketani hi tindlela ta nwina!

Hagai 2:15

Makunu nza mu kombela, lezaku mu ehleketa lezaku ku wa mahisa kuyini kusukela nyamutlha kuya nzhako, hi mahlweni na ku nga se vekiwa a ribye ginwe hehla ka ginwani a tempeleni ya Jehova;

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 20:21

Jesu i lo engeta aku kabye; A kurula a kuve ka nwina! Kota lezi Dadani a nzi rumileko, hizalezo na minawu nza mu ruma nwina. Mat. 28:18; 2 Tim. 2:2; Maheb. 3:1

Johani 20:27

Zonake aku ngalo ka Tomasi: Tisa litiho la wena laha, a mandla ya mina hi laya; tisa a canja ga wena, u gi enghenisa laha reveni ga mina; u ngavi loyi a nga kholwiko, kanilezi kholwa. 1 Joh. 1:1

Mitiro 1:15

Hi lawo masiku Pedro i lo yima xikari ka vamakabye, laha ku nga wa tsombene a tsengo wa 120 wa vanhu, aku ngalo: Kuv. 3:4

Va le Roma 11:17

Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12

Va le Roma 15:27

Va tsakile ku maha lezo, kota lezi va nga ni nanzu ka vona. Hakuva loku a vamatiko va avelwe a makatekwa yabye ya ka moya, va yimelwe hi ku va tirela hi kufuma kabye ka misava. 1 Kor. 9:11; Gal. 6:6

Va le Roma 15:8

Hakuva mina nza mu byela lezaku Kristu i lo maha nanza ga lava va zitshiva, kasi ku kombisa a zinene za Nungungulu, ni ku tiyisa a zitsumhiso lezi va nga tsumbisiwa zona a vakokwani; Mat. 15:24; Joh. 1:11; Miti. 3:25, 26; 2 Kor. 1:20

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

1 Va le Korinte 10:17

Lezi ku nga ni xibaba xinwe, hina hi nga vanyingi hi miri munwe, hakuva hina hontlhe higa xibaba xwalexi xa xinwe. Rom. 12:5

1 Va le Korinte 9:23

Nzi maha zontlhe lezo hi kota ya ivangeli, kasi nzi fela ku kuma xiavelo ka yona zinwe navo.

2 Va le Korinte 1:7

Hakuva a kutsumba ka hina ha nwina ku tiyile, hi ku tiva lezaku kota lezi mu nga vahlengeli va kuxaniseka, lezo kambe mu tava vahlengeli va kuchavelelwa. Rom. 8:17; 2 Tim. 2:12

2 Va le Korinte 9:13

Loku va wona a ntiro lowu va ta dumisa Nungungulu hi kota ya kuingisa ka nwina kukholweni ka ivangeli ya Kristu, ni xinyikiwo xa nwina ka vona ni ka vontlhe. Mat. 5:16; Maheb. 13:16

Va le Efesusi 3:6

lezaku ngalo: A vamatiko zigatshomba zinwe na hina, vava miri munwe zinwe na hina, va hi zihlengelikulori za xitsumbiso ka Kristu Jesu hi ivangeli, Gal. 3:14

Va le Efesusi 4:1

Hikwalaho mina loyi nzi nga peresu Hosini, nza mu khongotela a kuva ni mafambela lawa ma faneleko a kuvitanwa loku mu nga vitanwa ha kona; Kol. 1:10

Va le Efesusi 4:4

Wu kona miri munwe ni Moya munwe, kota lezi mu nga vitanelwa a kutsumba kunwe laha mu nga vitanwa. Rom. 12:5

Va le Filipi 3:14

nzi tsimbeketa mahlweni xiwindini nzi kala nzi ya kuma a nchachazelo wa kuvitanwa ku tlakukileko nzi nga vitanelwa kona hi Nungungulu ka Kristu Jesu. 2 Tim. 4:7, 8; Maheb. 3:1; 12:1

Va le Kolosi 1:12

na mu bonga Dadani, loyi a hi mahileko hi hi ni fanelo a kuva vahlengeli va tshomba ya vobasa le kuwonekeleni. Efe. 1:11; 5:20

Va le Kolosi 1:22

kanilezi makunu i mu tlhanganyisile naye mirini wa nyama yakwe hi kufa kakwe, kasi ku mu yisa mahlweni kakwe na mu basile, mu nga hi na hala, hambu ni kusoleka,

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

1 Va le Tesalonika 5:27

Nza mu hlambanyisa ka Hosi lezaku a papilo legi gi gonzwa ka vamakabye vontlhe.

2 Va le Tesalonika 1:11

Hi kota ya lezo hina ha mu khongelela xontlhe xikhati, lezaku a Nungungulu wa hina a fela ku wula lezaku mu fanele a kuvitanwa ka nwina, a tira hi ntamu wakwe yontlhe mixuvo yo saseka ni mitiro yontlhe ya kukholwa nzeni ka nwina;

2 Va le Tesalonika 2:14

Hizalezo a mu vitaneleko zona hi ivangeli ya hina, kasi ma hlengela a kungangamela ka Hosi ya hina Jesu Kristu.

1 Timote 6:12

Lwana a kulwa ko saseka ka kukholwa, u khomisisa a wutomi ga pinzukelwa, legi u vitanelweko gona, laha u nga vumela a kuvumela ko saseka mahlweni ka vakustumunyu vanyingi. Fil. 3:12; 2 Tim. 4:7; Maheb. 13:23

1 Timote 6:2

Lava va nga ni venyi va kholwako, ngha va nga va kanyisi, hilezi va nga vamakabye; kanilezi ngha va va tirela nguvunguvu, kota lezi va nga makholwa ni varanzekako, vona lava va vuniwako hi vona. Gonzisa timhaka leti, u luleka ha tona. Kol. 4:1

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

2 Timote 2:7

Ehleketa lezi nzi zi wulako, a Hosi yi ta ku nyika kutlhariha timhakeni tontlhe.

Maheberu 10:19

Hikwalaho, vamakabye, kota Iezi hi nga ni kutiya a ku enghena Wutshanwini go Basabasa hi nkhata wa Jesu, Rom. 5:2

Maheberu 10:21

kota lezi hi nga ni mupristi wa hombe hehla ka yindlu ya Nungungulu, 1 Tim. 3:15

Maheberu 10:23

A hi khomisiseni a kuvumela ka kutsumba ka hina, kasi ku nga kanakaniswi; hakuva i tsumbekile loyi a nga hi tsumbisa. 1 Kor. 1:9; 10:13; 2 Tes. 3:3

Maheberu 13:22

Kanilezi nza mu khongotela, vamakabye, timiselani ni mhaka leyi ya ku mu luleka; hakuva nzi mu tsalele hi timhaka ti tsongwani. 1 Ped. 5:12

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

Maheberu 2:17

Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 3:14

Hakuva hina hi mahile lava va avelweko Kristu, loku hi khomisisa a kutsumba ka hina ko sangula ku tiya kala magumo,

Maheberu 6:20

lomu Jesu a nga enghena kona hi kota ya hina, a hi murangeli wa hina, na a mahilwe mupristi wa hombe hi tshamela ga Melkizedeki. Xip. 3:1; 4:14; 5:6, 10

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

Maheberu 7:28

Hakuva a nayo wu yimisa a vanhu lava va nga ni gome a kuva vapristi va hombe; kanilezi a mhaka ya kuhlambanya leyi yi ngata hi nzhako ka nayo, yi yimisa a Nʼwana a mbhelelisilweko kala kupinzuka.

Maheberu 9:11

Kanilezi Kristu i lota na hi mupristi wa hombe wa zilo zo saseka lezi za ha tako; a tsemakanya a tabernakeli ga hombe legi gi mbheleleko, legi gi nga mahiwangiko hi mandla, lezo hi ku ngalo, a hi ga misava leyi.

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 3:5

Hakuva a kale a va bombisa lezo a vavasati va kubasa, lava va nga tsumba Nungungulu, va ingisa vanuna vabye.

1 Pedro 5:1

Hikwalaho nza khongotela a masingalakati lawa ma nga xikari ka nwina, na nzi hi singalakati-kulobye, ni kustumunyu wa kuxaniseka ka Kristu, hi xihlengeli xa kungangamela loku ku ta nga vululwa, nziku ngalo: Lu. 24:48; Rom. 8:17; File. 9

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Johani 1:3

lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49