Maheberu 2:9 - Tshwa Bible

⁹ Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18

Maheberu 2:9 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Isaya 11:1

Lomu ka xibho xa Jese ku ta huma a hluke, Ni ximilwa xi ta huma hi le mitswini yakwe, xi pswala mihanzu.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Mateu 16:28

Hizinene nziku ka nwina: Va kona vanwani va yimileko laha, va ta nga kala kuzwa kufa, va kala va wona a Nʼwana wa munhu na ata mufunweni wakwe. Mar. 9:1; Lu. 9:27

Mateu 6:28

Hikuyini mu karatekako hi kota ya tinguwo ke? Langutani a makhonʼwa ya lomu khwatini, lezaku ma kulisa kuyini; a ma tiri, hambu ni ku luka;

Marku 9:1

I te ngalo kabye: Hizinene nziku ka nwina, vanwani va vona lava va yimileko laha va nga tazwa kufa, va kala va wona a mufumo wa Nungungulu na wuta hi ntamu. Mat. 16:28; Lu. 9:27

Luka 9:27

Kanilezi nza mu byela ziku dlunya, ku ngalo: Va kona vanwani va yimileko laha, Va ta nga kala kuzwa kufa, va kala va wona a mufumo wa Nungungulu. Mat. 16:28; Mar. 9:1

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 10:17

Dadani wa nzi ranza, hakuva nzi nyikela a kuhanya ka mina, kasi nza fela ku ku teka kambe. Isa. 53:7, 8, 12; Maheb. 2:9

Johani 12:32

Mina loku nzi tlakusilwe misaveni, nzi ta kokela vanhu vontlhe ka mina. Xip. 3:14; Rom. 5:18; Maheb. 2:9

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 8:51

Hizinene nziku ka nwina: Loku munhu a hlayisa mhaka ya mina, cima a nga tazwa kufa. Xip. 5:24; 11:26

Johani 8:52

A vaJuda vaku kakwe: Makunu ha zi tiva lezaku u na ni dimoni. Abrahama i file, ni vaprofeti kambe; na wena u ngalo: Loku munhu a hlayisa mhaka ya mina, cima a nga tazwa kufa. Zak. 1:5; Maheb. 11:13

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Mitiro 3:13

A Nungungulu wa Abrahama, ni wa Isaka, ni wa Jakobe, a Nungungulu wa vakoko va hina, i dumisile a Nanza gakwe Jesu; loyi nwina mu nga mu nyikela ka Pilatu, mu mu kaneta mahlweni kakwe, laha yena a nga lava ku mu tlhatlha. Xip. 5:30; Joh. 7:39; 12:16; 17:1; Fil. 2:9

Va le Roma 5:18

Hikwalaho khwatsi hi lezi a xihambuko xinwe xi nga humesa kulamula hehla ka vanhu vontlhe, hizalezo ku kona ka vanhu vontlhe a kuhlayelwa kululama loku ku yisako wutomini hi kota ya ntiro munwe wa kululama. Joh. 12:32; Maheb. 2:9

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

2 Va le Korinte 5:15

Yena i lo fela vontlhe kasi lava va hanyako va nga ha ti hanyeli wutsumbu, kanilezi va hanyela loyi a ngafa a tlhela a vuka hi kota ya vona. 1 Ped. 4:2

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

1 Timote 2:6

Yena i lo ti nyikela a kuva nzhiho wa vontlhe, ku mahiwa wukustumunyu hi lezo a xikhatini xi faneleko;

Maheberu 1:9

Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38

Maheberu 10:5

Hikwalaho laha Kristu a ngata laha misaveni, i te ngalo: A miphahlelo ni minyikelo a ku tsaki ha zona, Kanilezi u nzi longiselele a miri; Tis. 40:6; Isa. 1:11

Maheberu 11:5

Hi kukholwa Enoki i lo tekiwa, kasi a nga woni kufa; a nga kumiwangi hakuva i wa tekilwe hi Nungungulu. Hakuva na a nga se ku tekiwa i wa mahelwe wukustumunyu lezaku i wa tsakisile Nungungulu. Gen. 5:22

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 2:7

Hakuva wena u mu mahile ava lahasi ka tingelosi ka xikhatanyana, Zonake u mu bombisile hi kungangamela ni wudzunzo, U mu veka hehla ka mitiro ya mandla ya wena; Wena u vekile zilo zontlhe lahasi ka mikonzo yakwe.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Maheberu 8:3

Hakuva vontlhe vapristi va hombe va yimiselwe ku nyikela minyikelo ni miphahlelo; hikwalaho ku lavekile na yenawu lezaku a hi ni xa ku nyikela ha xona. Efe. 5:2

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 19:12

A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24