Maheberu 2:3 - Tshwa Bible

³ zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Maheberu 2:3 Mawu Ofanana

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 20:6

A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 51:8

Hakuva va ta giwa hi tisumba khwatsi i nguwo, Ni ziwungwani zi ta vaga kota woya; Kanilezi a kululama ka mina ku ta su tsoma kala kupinzuka, Ni kuhanyisa ka mina ku tava ka zizukulwana ni zizukulwana.

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15

Ezekieli 17:15

Kanilezi i yi hluwukile hi ku rumela a mitsukano le Gipite, kasi va fela ku mu nyika mahaxi ni yimpi ya hombe. I ta kula ke? A nga pona loyi a mahako a zakunghaho ke? A nga tshova a xivumelwano a wuya a pona ke?

Ezekieli 17:18

Hakuva i kanyisile a xifungo xakwe hi ku tshova a xivumelwano; i mahile zontlhe lezi zilo hambu lezi a nga hlambanyile hi canja gakwe; a nga ta pona.

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Marku 1:14

Laha Johani na a valelwe paxweni; Jesu i loya Galilea, na a kanela ivangeli ya Nungungulu, Mat. 4:12, 23

Luka 1:2

khwatsi hilezi ma nyikilweko ka hina hi lava va nga zi wona hi mahlo, na va hi malanza ya mhaka hi kusanguleni, Mar. 1:1; Joh. 15:27; Maheb. 2:3

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Luka 24:19

Yena aku ngalo kabye: Zilo za kuyini ke? Vaku kakwe: Lezi za Jesu wa le Nazareta, loyi a nga wa hi muprofeti wa ntamu, hi mitiro ni kuwulawula mahlweni ka Nungungulu ni ka vanhu vontlhe; Mat. 21:11; Joh. 4:19; Miti. 2:22; 7:22

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Mitiro 1:22

kusukela laha a nga bapatizwa hi Johani, ku kala siku lego a nga suswa ka hina aya tilweni, ku laveka lezaku munwe wa vona a yimiswa a kuva kustumunyu zinwe na hina hi kuvuka kakwe. Mar. 1:1

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Va le Roma 11:14

lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16

Va le Roma 2:3

Wena munhu u lamulako lava va mahako a zilo zo kota lezo; na wenawu u kari u zi maha, wa alakanya lezaku u ta pona a kulamula ka Nungungulu ke? Mar. 11:21

1 Va le Korinte 1:21

Hakuva lezi a kutlhariheni ka Nungungulu a misava yi nga kala ku mu tiva Nungungulu hi wutlhari ga yona, zi lo mu xalalisa Nungungulu a ku hanyisa lava va kholwako hi wupumbu ga kukanela ka hina. Lu. 10:21

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

1 Timote 1:15

A mhaka leyi yi tiyile, yi fanele ku amukelwa kontlhe, lezaku Kristu Jesu i lota misaveni ku ta hanyisa vaonhi, lava mina nzi nga nhonzwa yabye. Mat. 9:13; Lu. 19:10; Rom. 5:8; 1 Joh. 3:5

Titusi 2:11

Hakuva a tipswalo ta Nungungulu ti wonekile, ti neha kuhanyiswa ka vanhu vontlhe, Joh. 1:9; 1 Tim. 2:4

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Maheberu 4:1

Kota lezi a xitsumbiso xa kuenghena kuhumuleni kakwe xa ha hi ku kona, a hi chaveni lezaku ku nga sali nzhako ni munwe wa nwina.

Maheberu 4:11

Hikwalaho a hi pinyameleni a ku enghena kuhumuleni loku, kasi ku ngavi ni munwe loyi a wako hi kungaingisi ka kunghaho. Xip. 3:12, 18, 19

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Johani 1:1

Lexi xi nga wa hi kona hi le kusanguleni, lexi hi xi zwileko, lexi hi xi wonileko hi mahlo ya hina, ni ku xi khumba hi mandla ya hina, xungetano ni Gezu ga wutomi. Lu. 24:39; Joh. 1:1, 14; 20:27

Juda 1:17

Kanilezi nwina, varanzekako, alakanyani a timhaka leti ti nga kanelwa a kale hi vapostoli va Hosi ya hina Jesu Kristu;

Kuvululelwa 7:10

va kanyuluka hi gezu ga hombe, vaku: A kuhanyisa ku lumba Nungungulu wa hina loyi a tshamileko xitshanwini xa wuhosi ni Yivana. Tis. 3:8; Isa. 43:11; Jer. 3:23