Maheberu 2:17 - Tshwa Bible

¹⁷ Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

Maheberu 2:17 Mawu Ofanana

2 Kronekele 29:24

Zonake a vapristi va lo ti tlhava, a nkhata wa tona va chela hehla ka alati, kasi ku maha a nzhiho wa zionho ni kuva muphahlo wa zionho za vanhu vontlhe va ka Israeli, hakuva a hosi yi lo leletela lezaku a muphahlo wa kuhiswa ni wa zionho wu ta nyikelelwa vontlhe va ka Israeli.

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Ezekieli 45:15

Ku humesiwa a yivana yinwe ka ntlhambi wa 200 wa tiyivu ta laha mikoveni ya ka Israeli, kasi yiva a munyikelo wa zakuga ni wa kuhiswa ni wa kurula, kasi ku maha a nzhiho wabye, ku wula Hosi Jehova.

Ezekieli 45:17

Ku tava fanelo ya hosana a ku humesa a minyikelo ya kuhiswa, ni ya tinzhoho, ni ya kunwa, lomu mibuzweni ni xikhatini xa kuwoneka ka hweti, ni masiku ya sabado, ni tihlengeletanweni tontlhe ta yindlu ya ka Israeli. Hi yona yi ta nga humesa minyikelo ya kuonha, ni ya tinzhoho, ni ya kuhiswa, ni ya kurula, kasi ku mahela nzhiho a yindlu ya ka Israeli.

Ezekieli 45:20

U ta maha zalezo hi siku ga wuntlhanu ni mambiri ga hweti, u mahela lava va onhileko hi ku hoheta ni hi kota ya kungativi. Mu ta maha lezo kasi kuva nzhiho wa yindlu.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Levi 14:18

Ni mafura laya ma ta nga sala lomu canjeni gakwe i ta ma tota laha hlokweni ya loyi a basiswako, zonake a mupristi i ta mu mahela a muphahlo wa nzhiho mahlweni ka Jehova.

Levi 16:16

Na yena i ta mahela nzhiho a wutshamu gi basileko hi kota ya kungahlazeki ka vanana va ka Israeli, hi kota ya kuonha kabye. I ta maha lezo zilo kambe hi kota ya tabemakeli ga mutlhangano legi gi tshamako xikari ka lezi zi nga hlazekangiko ka vona;

Levi 6:30

Kanilezi ngha ku nga giwi a muphahlo wa kuonha, lowu va nehileko a nkhata wa wona lomu ka tenda ga mutlhangano a ku ta maha a nzhiho lomu ka Wutshamu go Basabasa; wona wu ta hiswa nzilweni. Maheb. 13:11

Levi 8:15

Mosi i lo yi tlhava, a teka a nkhata wa kona, laha na petile litiho lakwe lomu nkhateni i lo tota timhonzo ta alati matlhelo wontihe, a basisa a alati; zonake i lo chulula a nkhata lahasi ka alati, a gi basisa kasi gi fela ku mahelwa a nzhiho.

Mitsengo 15:25

A mupristi i ta maha muphahlelo wa nzhiho wa tlhangano wontihe wa vanana va ka Israeli, zonake va ta tsetselelwa, hakuva kuonha loku ku mahilweko hi kuhoheta; na vona va nehile munyikelo wabye, wu nga muphahlelo wu hiselwako Jehova, ni muphahlelo wabye wa kuonha mahlweni ka Jehova, hi kota ya zionho zabye lezi va zi mahileko hi kuhoheta.

Va le Roma 15:17

Hikwalaho nza ti kulisa ka Kristu Jesu a ntirweni wa Nungungulu. Maheb. 5:1

Va le Roma 5:10

Hakuva loku hi tlhanganyisilwe na Nungungulu hi kota ya kufa ka Nʼwana wakwe, na hi wa ha hi valala, nguvunguvu lezi makunu hi tlhanganyisilweko hi ta hanyiswa hi wutomi gakwe. Joh. 14:19; 2 Kor. 5:13

Va le Efesusi 2:16

I lo hi tlhanganyisa ka Nungungulu hi va miri munwe hi xihambano, na a dele wulala ha xona. Rom. 6:6

Va le Kolosi 1:21

Na nwina lava mu nga hambukile kakwe xikhatini xa kale, mu hi valala kupimeni ka nwina hi mitiro ya nwina ya kubiha,

Maheberu 10:21

kota lezi hi nga ni mupristi wa hombe hehla ka yindlu ya Nungungulu, 1 Tim. 3:15

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Maheberu 2:16

Hakuva hizinene a nga hlanguti tingelosi, kanilezi i hlanguta a vana va Abrahama.

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

Maheberu 3:2

a nga tsumbeka ka loyi a mu yimisileko, kota lezi Mosi a nga tsumbeka lomu ndlwini yontlhe ya Nungungulu. Mitse. 12:7

Maheberu 3:5

Mosi hizinene, i wa tsumbekile lomu ndlwini yontlhe ya Nungungulu khwatsi hi nanza, lezaku a kustumunya hi lezi zi ta nga wulawulwa hi lenzhako; Ekso. 14:31; Jox. 1:2

Maheberu 4:14

Makunu kota lezi hi nga ni mupristi wa hombe a hunzeleleko wukulu, loyi a tsemakanyileko matilo, a nga Jesu a Nʼwana wa Nungungulu, ngha hi khomisisa a kuvumela ka hina. Xip. 3:1; 7:26

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Maheberu 5:1

Hakuva ni wihi wa vapristi va hombe, loku a langilwe xikari ka vanhu, i vekiwa kasi ku yimela vanhu ka zilo za Nungungulu, lezaku a nyikela minyikelo ni miphahlelo hi kota ya zionho. Xip. 2:17; 8:3, 4

Maheberu 5:10

na a wulilwe hi Nungungulu lezaku mupristi wa hombe hi tshamela ga Melkizedeki.

Maheberu 5:2

Yena wa zi kota ku timisela ni lava va nga tiviko ni va hambukileko, hakuva na yena wutsumbu i na ni gome;

Maheberu 5:5

Hizalezo Kristu a nga ti tlakusangi ha yece a kuva mupristi wa hombe, kanilezi i lo yimiswa hi yena loyi a nga ku ngalo kakwe: Wena u Nʼwana wa mina, Nyamutlha nzi ku belekile. Tis. 2:7; Joh. 8:54

Maheberu 6:20

lomu Jesu a nga enghena kona hi kota ya hina, a hi murangeli wa hina, na a mahilwe mupristi wa hombe hi tshamela ga Melkizedeki. Xip. 3:1; 4:14; 5:6, 10

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

Maheberu 7:28

Hakuva a nayo wu yimisa a vanhu lava va nga ni gome a kuva vapristi va hombe; kanilezi a mhaka ya kuhlambanya leyi yi ngata hi nzhako ka nayo, yi yimisa a Nʼwana a mbhelelisilweko kala kupinzuka.

Maheberu 8:1

A tshinya ga timhaka leti hi ti wulako hi legi: Hi na ni mupristi wa hombe loyi a tshamileko hi le reveni ga xinene ga xitshamu xa wuhosi xa Wukulu le matilweni; Efe. 1:20; Kol. 3:1

Maheberu 8:3

Hakuva vontlhe vapristi va hombe va yimiselwe ku nyikela minyikelo ni miphahlelo; hikwalaho ku lavekile na yenawu lezaku a hi ni xa ku nyikela ha xona. Efe. 5:2

Maheberu 9:11

Kanilezi Kristu i lota na hi mupristi wa hombe wa zilo zo saseka lezi za ha tako; a tsemakanya a tabernakeli ga hombe legi gi mbheleleko, legi gi nga mahiwangiko hi mandla, lezo hi ku ngalo, a hi ga misava leyi.