Maheberu 2:10 - Tshwa Bible

¹⁰ Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

Maheberu 2:10 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Mavingu 16:4

Jehova i mahile zilo zontlhe lezaku ziva ni ntiro wo kari, na, ni loyi wa kubiha i mahelwe siku ga kubiha.

Isaya 43:21

A tiko legi nzi ti maheleko gona gi ta nzi dzunza.

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Hosea 8:10

Hambu loku va rumela a zinyikiwo ka manwani matiko, makunu nzi ta va tsombanyisa; va sangula ku mbheteka hi ku tikelwa hi nzhwalo wa hosi ya tihosana.

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

Mitsengo 7:15

ni nkuzana ni hamba, ni yivana ya lembe ginwe a wukale ya munyikelo wa kuhiswa,

Luka 13:32

Yena aku ngalo kabye: Fambani, mu ya byela hlati loye, Languta, inyamutlha na manziko nzi hlongola madimoni, nzi hanyisa a vababyako, nzi ta mbhetisa mundlwani. Maheb. 2:10

Luka 2:14

A wudzunzo a give ka Nungungulu le hehla matilweni, Ni kurula misaveni xikari ka vanhu tava a xaleleko ha vona. Isa. 57:19; Joh. 3:16; Efe. 2:17; Kol. 1:20; Kuv. 5:13

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

Luka 24:46

aku ngalo kabye: Ku tsalilwe lezaku Kristu i ta xaniseka, a tlhela a vuka hi ka vafileko hi siku ga manharu; Tis. 22; Isa. 53:2; Miti. 17:3

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Johani 19:30

Jesu na a amukele viniga, aku ngalo: Ku mbhelile. Zonake i lo gowota hloko, afa. Xip. 17:4

Mitiro 3:15

mu daya a Hosi ya wutomi; kanilezi Nungungulu i mu vuxile hi ka vafileko; hina hi vakustumunyu va lezo.

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Va le Roma 11:36

Hakuva zilo zontlhe zita hi ka yena, zi mahilwe hi yena, zi mahelwe yena. A wudzunzo a give ka yena kala kupinzuka. Amen. 1 Kor. 8:6; Kol. 1:16

Va le Roma 9:23

loku a ranzile ku wonekelisa a wukulu ga kungangamela kakwe a zibyeni za wuxinji, lezi a nga zi longisela wudumo hi kale?

1 Va le Korinte 2:7

Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. Rom. 16:25; 2 Tim. 1:9

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

2 Va le Korinte 5:18

Kanilezi zontlhe lezi zita hi ka Nungungulu, loyi a hi tlhanganyisileko naye hi Kristu, a hi nyika a ntiro wa kutlhanganyisa,

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Efesusi 2:7

lezaku a zikhatini lezi za ha tako a fela ku kombisa a wukulu ga hombe ga tipswalo takwe, hi wunene gakwe legi a hi maheleko gona nzeni ka Kristu Jesu.

Va le Efesusi 3:10

Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22

Va le Kolosi 3:4

Laha Kristu, loyi a nga wutomi ga hina, a ta nga wonekeliswa, zonake na nwinawu mu ta wonekeliswa zinwe naye hi kungangamela. Joh. 11:25; 1 Kor. 15:43; 1 Joh. 3:2

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 6:20

lomu Jesu a nga enghena kona hi kota ya hina, a hi murangeli wa hina, na a mahilwe mupristi wa hombe hi tshamela ga Melkizedeki. Xip. 3:1; 4:14; 5:6, 10

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

Maheberu 7:28

Hakuva a nayo wu yimisa a vanhu lava va nga ni gome a kuva vapristi va hombe; kanilezi a mhaka ya kuhlambanya leyi yi ngata hi nzhako ka nayo, yi yimisa a Nʼwana a mbhelelisilweko kala kupinzuka.

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

1 Pedro 5:1

Hikwalaho nza khongotela a masingalakati lawa ma nga xikari ka nwina, na nzi hi singalakati-kulobye, ni kustumunyu wa kuxaniseka ka Kristu, hi xihlengeli xa kungangamela loku ku ta nga vululwa, nziku ngalo: Lu. 24:48; Rom. 8:17; File. 9

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11