Maheberu 13:7 - Tshwa Bible

⁷ Alakanyani varangeli va nwina, lava va mu byelileko mhaka ya Nungungulu; pimani a kugumesa ka kuhanya kabye, mu ecanyisa a kukholwa kabye.

Maheberu 13:7 Mawu Ofanana

Xizimba xa ka Solomoni 1:8

Loku u nga zi tivi, wena loyi u sasekileko xikari ka vavasati, Famba u lanza a mikonzo ya mitlhambi, U risa zimbutana za wena kusuhani ni matenda ya varisi.

Mateu 24:45

Hi wihi loyi a nga nanza gi tsumbekileko ni go tlhariha, loye a hosi yakwe yi gi yimisileko hehla ka malanza ya yona, kasi ku ma nyika zakuga hi xikhati xi faneleko ke? Lu. 12:42; Miti. 20:28; 1 Kor. 4:2

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

Luka 5:1

Kota lezi a xidlemo xi nga tsimbeketana ka yena a kuzwa mhaka ya Nungungulu, na a yimile hi le tiveni ga Genesareta; Mat. 4:18 Mar. 1:16

Luka 8:11

A mufananiso lowu wu wula lezi: A mbewu hi mhaka ya Nungungulu.

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 14:23

Laha na va va hlawulele a masingalakati mabandleni wontihe, hi kukhongela ni kuyila, va lo va nyikela Hosini, leyi va nga kholwa ka yona. Tit. 1:5

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Va le Roma 10:17

Lezo a kukholwa kuta hi kuzwa lezi zi kanelwako, kanilezi a kukanela kuta hi mhaka ya Kristu.

1 Va le Korinte 10:13

A mu se nga humelwa hi nzhingo ahandle ka lowu munhu a wu kotako ku rwala; Nungungulu i tsumbekile, a nga ta vumela a kuva mu ringwa ku hunza a ntamu wa nwina; kanilezi i ta mu mahela a ndlela ya kupona loku wuta nzhingo, kasi mu ta zi kota ku wu rwala. Jer. 29:11; 2 Ped. 2:9

1 Va le Korinte 11:1

Mahani vapimanyisi va mina, kotisa mina nzi nga mupimanyisi wa Kristu. 2 Tes. 3:9

1 Va le Korinte 4:16

Hikwalaho nza mu khongotela nziku, mahani vapimanyisi va mina. Xip. 11:1

Va le Filipi 3:17

Vamakabye, nzi ecanyiseni, mu cuwukisa lava va lanzako a xiwonelo lexi mu wonako ka hina. 1 Ped. 5:3

1 Va le Tesalonika 1:6

Nwina mu lo maha vapimanyisi va hina ni va Hosi, hambu lezi mu nga amukele a mhaka hi kuxaniseka kunyingi, mu wa hi ni kutsaka ka Moya wa ku Basa;

1 Va le Tesalonika 2:13

Hi kota ya lezo ha simamisa hi bonga Nungungulu, lezaku laha mu nga amukela a mhaka ya Nungungulu, leyi mu nga yi kuma ka hina, a mu yi amukelangi khwatsi i mhaka ya vanhu, kanilezi mu lo amukela a mhaka ya Nungungulu kota lezi yi nga yona, a mhaka leyi yi tirako xikari ka nwina lava mu kholwako. Mat. 10:40

2 Va le Tesalonika 3:7

Nwina ma zi tiva lezi mu faneleko a ku hi ecanyisisa zona, hakuva a hi fambangi hi vilinganya xikari ka nwina.

2 Va le Tesalonika 3:9

Na ku nga hi lezaku hi wo vumala ntamu wa ku zi maha, kanilezi hi lo maha lezo lezaku hiva xiwonelo ka nwina, kasi ma fela ku hi pimanyisa. 1 Kor. 9:6; 1 Tes. 2:6

1 Timote 3:5

hakuva loku a munhu a nga zi tivi ku fumela a ngango wakwe, i ta hlayisisa kuyini a bandla ga Nungungulu?

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

Maheberu 13:24

Rungulani vontlhe lava va mu rangelako, ni vobasa vontlhe. Lava va le Italia va mu rungula.

Maheberu 6:12

kasi mu ngavi matolo, kanilezi muva vaecanyisi va lava va gako tshomba ya zitsumhiso, hi kota ya kukholwa ni kutimisela kabye.

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 6:9

Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24