Maheberu 13:5 - Tshwa Bible

⁵ Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Maheberu 13:5 Mawu Ofanana

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 30:31

Yena i te ngalo: Nzi ta ku nyika yini ke? Jakobe i te ngalo: U nga ta nzi nyika nchumu: ntsena loku wa nga nzi mahela lezi zilo, nzi ta engeta nzi risa ni ku hlayisa mitlhambi ya wena kambe.

Genesisi 31:5

I te ngalo kabye: Nza zi wona lezaku a nghohe ya raru wa nwina a ya ha kotisi za tolo ni tolweni; kanilezi Nungungulu wa dadani wa mina i na mina.

1 Tihosi 6:13

Nzi tshama xikari ka vanana va ka Israeli, cima nzi nga ta tsika a vanhu va mina va ka Israeli. Ekso. 29:45; Levi 26:11

1 Tihosi 8:57

Ngha Jehova Nungungulu wa hina ave zinwe na hina, khwatsi hi lezi a nga wa hi zinwe ni vakoko va hina. Ngha yena a nga hi tsiki a hi rivala;

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

Tisimu 10:3

Hakuva a wakubiha wa buma hi mixuvo ya mbilu yakwe; Loyi wa makangwa i rukatela, a kanyisa Jehova.

Tisimu 119:36

Kokela a mbilu ya mina wumbonini ga wena, Lezaku yi ngayi kumbilukeleni.

Tisimu 37:25

Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

Tisimu 37:28

Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Eksodusi 2:21

Mosi i lo vumela ku tshama ni munhu loye; zonake i lo teka Zipora a nʼwana wakwe.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Mavingu 23:4

U nga karatekeli kuva u fuma; nga tsumbi wutlhari ga wena wutsumbu.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Jeremia 6:13

Hakuva va ti nyiketele kumbilukeleni, A vatsongwani ni vahombe, A vaprofeti ni vapristi, vontlhe va kanganyisa.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mateu 6:19

Mu nga ti vekeli titshomba misaveni, laha tisumba ni kutshutshumbala zi gako ni laha makhamba ma bhoxako ma yiva; Mav. 23:4; 1 Tim. 6:17; Jak. 5:1

Mateu 6:25

Hikwalaho nziku ka nwina: Mu nga karatekeli a kuhanya ka nwina, lezaku mu taga yini, kutani mu tanwa yini; hambu ni miri wa nwina, lezaku mu ta ambala yini. A kuhanya a ku hunzi kuga ke, ni miri a wu hunzi a tinguwo ke? Tis. 55:22; Fil. 4:6; 1 Ped. 5:7

Mateu 6:34

Hikwalaho mu nga karatekeli za manziko; hakuva manziko i ta karatekela a wutsumbu ga yena. A siku ginwe ni ginwani gi na ni khombo gi ringanako gona.

Marku 7:22

a kunavela, ni kubiha, ni kukhohlisa, ni wutsele, ni tihlo go biha, ni kurukatela, ni kutikukumukisa, ni wupumbu;

Luka 3:14

A masochwa kambe ma lo mu wutisa, maku: Na hina, hi yimelwe hi ku maha yini ke? Aku ngalo kabye: Mu nga wutleli munhu nchumu, hambu ni ku kecara munhu hava; eneliswani hi hakhelo ya nwina. Ekso. 23:1; Levi 19:11

Luka 8:14

Ni leti ti weleko mizweni, hi vona lava va zwileko; kanilezi loku va ti fambela va tlimbiwa hi kukaratekela, ni kufuma ni kutsaka ka kuhanya loku; a va pswali mihanzu yi kala yi buva.

Va le Roma 1:29

Va tele hi kungalulami kontlhe, ni kubiha, ni timbilu, ni matsoho; va tele hi makangwa, a kudaya, a kukanetisana, a kukanganyisa, a mona; a vahlevi,

1 Va le Korinte 5:11

Kanilezi nzi mu tsalela lezaku loku a hi kona munhu loyi a vitwako makabye na hi xibhayi, kutani munaveli, kutani mukhozeli wa zifananiso, kutani murukateli, kutani xidakwa, kutani khamba; mu nga mahi wunghana naye, ge, hambu kuga naye. Mat. 18:17; Rom. 16:17; Gal. 2:12; 2 Joh. 10

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

2 Va le Korinte 4:9

Ha xanisiwa, kanilezi a hi tsikelwangi magumo; hi bilwe, kanilezi a hi dawangi.

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Deuteronome 31:6

Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

1 Timote 3:3

loyi a nga ti nyikeliko kunweni ka byala, kutani kulweni; kanilezi a va wo rula, loyi a nga holoviko, na a nga hi muranzi wa mali;

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 7:21

nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.