Maheberu 13:21 - Tshwa Bible

²¹ a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10

Maheberu 13:21 Mawu Ofanana

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Tisimu 138:8

Jehova i ta hetisa a ntiro wakwe a nzi tirelako wona. Jehova, a wuxinji ga wena ga kala kupinzuka; U nga tsiki a mitiro ya mandla ya wena.

Mateu 12:50

Hakuva kani hi wihi a ta nga maha kuranza ka Dadani wa mina loyi a nga le tilweni, hi yena nakulori, ni makweru, ni mamani. Joba 15:14; Gal. 5:6; Kol. 3:11

Mateu 21:31

Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Mateu 7:21

A hi vona vontlhelele lava va nge ngalo ka mina: Hosi, Hosi, va ta nga enghena mufunweni wa tilo; kanilezi sine loyi a mahako a kuranza ka Dadani wa mina loyi a nga le tilweni. Miti. 19:13; Rom. 2:13; Jak. 1:22

Johani 17:23

mina ka vona, na wena ka mina, kasi vava munwe hi kumbheleleko; kasi a tiko gi fela ku zi tiva lezaku u nzi rumile, niku, u va ranzile kota lezi u nzi ranzileko. Kol. 3:14

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Va le Roma 11:36

Hakuva zilo zontlhe zita hi ka yena, zi mahilwe hi yena, zi mahelwe yena. A wudzunzo a give ka yena kala kupinzuka. Amen. 1 Kor. 8:6; Kol. 1:16

Va le Roma 16:27

a ka Nungungulu loyi a tlharihileko yece, a kuve wudzunzo ha Jesu Kristu kala kupinzuka. Amen.

2 Va le Korinte 9:8

Nungungulu wa zi kota ku enzelekisa ka nwina a tipswalo tontlhe; lezaku nwina, na mu enelisilwe xikhati xontlhe zilweni zontlhe, mu fela kuva nazo zo tira mitiro yontlhe yo saseka: Mav. 11:25; Fil. 4:19

Va le Galatia 1:5

A wudzunzo a give ka yena kala kupinzuka ni kupinzuka. Amen.

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Filipi 2:11

kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13

Va le Filipi 2:13

Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Va le Kolosi 3:20

Vanana, ingisani a vapswali va nwina zilweni zontlhe, hakuva lezo za xalalisa Hosi. Efe. 6:1

Va le Kolosi 4:12

Epafrasi, loyi a nga munwe wa va ka nwina, a nanza ga Kristu Jesu, wa mu rungula; a kukhongeleni kakwe wa mu lwela xontlhe xikhati lezaku mu fela ku yima, muva lava va mbheleleko, na mu tiva hi kutiyileko a kuranza kontlhe ka Nungungulu. Mat. 5:48; Xip. 1:7

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

1 Va le Tesalonika 4:3

Hakuva a kuranza ka Nungungulu hi lezaku mu basiswa, ni lezaku mu tsika wubhayi. Efe. 5:17

1 Va le Tesalonika 5:23

Nungungulu wa kurula wutsumbu gakwe a mu basise matlhelo wontihe, kasi a moya wa nwina ni muhefemulo ni miri za hlayiswa zontlhe, zi nga hi na kusoleka a kuwuyeni ka Hosi ya hina Jesu Kristu. 1 Kor. 1:8; Fil. 4:9

2 Va le Tesalonika 2:17

a tangalise timbilu ta nwina, a mu tiyisa mitirweni yontlhe yo saseka ni kuwulawula ku lulamileko.

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 5:10

loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

2 Timote 3:17

kasi a munhu wa Nungungulu a fela ku mbhelela, na a longiselelwe a mitiro yontlhe yo saseka. 1 Tim. 6:11; Tit. 1:9

2 Timote 4:18

Kunene a Hosi yi ta nzi hlanguta mitirweni yontlhe ya kubiha, yi nzi hanyisela a mufumo wa yona wa le tilweni. A wudzunzo a give ka yona kala kupinzuka ni kupinzuka. Amen! Tis. 121:7

Maheberu 10:36

Hakuva za laveka lezaku mu hi ni kutimisela, kasi loku mu mahile a kuranza ka Nungungulu, mu fela ku kuma lezi zi nga tsumbisiwa. Lu. 21:19; Kol. 3:24

Maheberu 12:23

ni le hlengeletanweni ya hombe, ni ka bandla ga matewula ma tsalilweko le tilweni, ni ka Nungungulu a nga Mulamuli wa vontlhe, ni ka mimoya ya vanhu va lulamileko va mbhelelisilweko, Lu. 10:20; Fil. 3:12; Kuv. 14:4

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Maheberu 13:16

Kanilezi mu nga rivali a ku maha kusasa ni kuha zisiwana; hakuva Nungungulu wa tsaka khwatsi hi miphahlelo ya kunghaho. Rom. 12:13; Fil. 4:18

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 4:2

lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

1 Johani 2:17

Kanilezi a tiko ga hunza, ni kunavela ka gona; kanilezi loyi a mahako kuranza ka Nungungulu i ta tshama kala kupinzuka. 1 Kor. 7:31; Jak. 4:14; 1 Ped. 1:24

1 Johani 3:22

zonake ni xihi lexi hi xi kombelako, ha amukeliswa hi yena, hakuva ha hlayisa milayo yakwe, hi maha lezi zi mu xalalisako. Tis. 34:15; Jer. 29:12; Joh. 8:29

Juda 1:25

a ka Nungungulu leyi wa munwe a nga Muhanyisi wa hina ha Jesu Kristu, a Hosi ya hina, a kuve wudzunzo, ni wukulu, ni kufuma, ni ntamu, na zi nga seva kona zikhati, ni makunu, ni ku kala kupinzuka. Amen.

Kuvululelwa 4:6

A mahlweni xa xitshamu xa wuhosi ku wa hi kona xo khwatsi i bimbi ga vidro go kota kristali. Lomu matlhelweni wontihe ya xitshamu xa wuhosi ku wa hi ni mune wa ximahwa zi hanyako, na zi tele hi mahlo seno mahlweni ni lenzhako. Ezek. 1:5; Xip. 15:2

Kuvululelwa 5:13

Ni zilo zontlhe zi vangilweko lezi zi nga le tilweni, ni za laha misaveni, ni lezi zi nga lahasi ka misava, ni lezi zi nga bimbini, ni zontlhe zi nga ka zona, nzi lo zizwa ziku: A kubongwa, ni wudumo, ni kukhesiwa, ni kufuma, a zive ka loyi a tshamileko xitshanwini xa wuhosi ni ka Yivana, kala kupinzuka ni kupinzuka. Fil. 2:10; 1 Tim. 6:16; Xip. 7:10

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24