Maheberu 13:2 - Tshwa Bible

² Mu nga rivali ku amukela vafambi, hakuva hi ku maha lezo a vanwani va rurele tingelosi na va nga ti tivi. Gen. 19:2; Mat. 25:35

Maheberu 13:2 Mawu Ofanana

Genesisi 18:1

Jehova i lo woneka ka yena le mikuhlwini ya le Mamre; khwatsi hilezi a nga wa tshamile laha nyangweni ya tenda gakwe laha munwini.

Genesisi 19:1

A tingelosi ti lota Sodoma laha gambyeni; Loti i wa tshamile laha nyangweni ya le Sodoma. Laha na a ti wona i lo suka a ti khinga; a korama lahasi.

2 Tihosi 4:8

Makunu hi ginwani siku Elixa i lo hunza hi le Xuname. Laho ku wa hi kona a wasati wo fuma, loyi a nga mu kurumeta a ku yaga zakuga zakwe. Siku ni siku, loku a hunza laho i waya aga kakwe.

Joba 31:19

Loku nzi wonile a munhu a lova hi ku vumala tinguwo, Kutani xisiwana na xi nga hi na xifenengelo;

Joba 31:32

A muenzi a nga etlelangi lomu maphangweni; Hakuva nzi lo vululela a vafambi a livati la mina. Maheb. 13:2; 1 Ped. 4:9

Isaya 58:7

Ina, u ta phamela loyi a nga ni ndlala a zakuga za wena, Ni ku rurela a ndlwini ya wena lava va vumalako va nga hiko na muti; U ambexa lava va nga hiko na tinguwo, Ni kuva u nga fulareli loyi a nga nyama ya wena hi xiviti. Mat. 25:35

Levi 19:34

A muluveli loyi a akileko xikari ka nwina, i tava xisumbulwa, a maha munwe wa nwina; u ta mu ranza kota lezi u ti ranzako wena; hakuva nwinawu mu wa hi valuveli tikweni ga le Gipite. Hi mina Jehova, Nungungulu wa nwina.

Mateu 25:35

Hakuva nzi wazwa a ndlala, mu lo nziha kuga; nzi wazwa tora, mu lo nziha a kunwa; nzi wa hi mupfhumba, mu lo nzi rurela; Jak. 1:27; 3 Joh. 5

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

Mateu 25:43

nzi wa hi mupfhumba, a mu nzi rurelangi; na nzi hi ni wuna, a mu nzi ambexangi; nzi wa babya, nzi hi paxweni, a mu tangi mu ta nzi kamba.

Mitiro 16:15

Laha na a bapatizilwe zinwe ni va yindlu yakwe, i lo hi khongotela, aku: Loku muku nzi tsumbekile ka Hosi, ngonani ndlwini ya mina, mu ta tshama kona. I lo hi kurumeta. Gen. 19:3; Lu. 24:29

Va le Roma 12:13

Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2

Va le Roma 16:23

Gaiusi, loyi a nzi rureleko, zinwe ni bandla gontlhe, wa mu rungula. Erastusi a mukhomi wa bako ga muti wa mu rungula, ni makabye Kwartusi. Miti. 19:22; 1 Kor. 1:14; 2 Tim. 4:20

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Timote 5:10

loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15

Titusi 1:8

kanilezi a va munhu a rurelako vapfhumba, a muranzi wa wunene, loyi a tlharihileko, loyi a lulamileko, a basileko, wa kutikhoma;

1 Pedro 4:9

Rurelanani kuenzeni ka nwina, mu nga kalali.

3 Johani 1:5

Xiranzwa, u kholekile ka zontlhe lezi u mahelako vamakabye lava va nga vaenzi.