Maheberu 13:15 - Tshwa Bible

¹⁵ Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20

Maheberu 13:15 Mawu Ofanana

2 Kronekele 29:31

Zonake Hezekia i lo wulawula, aku: Kota lezi mu ti nyikeleko ka Jehova, makunu tshinelani mu neha a miphahlelo ni minyikelo ya kubonga lomu ndlwini ya Jehova! Wontihe tlhangano wu lo neha a miphahlelo ni minyikelo ya kubonga; a vanyingi lava va nga wa zi ranza va lo nyikela muphahlo wa kuhiswa.

2 Kronekele 33:16

I lo akisa a alati ga Jehova, a nyikela hehla ka gona a miphahlelo ya kurula ni ya kubonga, a leletela va ka Juda a ku khozela Jehova Nungungulu wa ka Israeli.

2 Kronekele 7:6

A vapristi va lo yima matshanwini yabye yo tira mitiro yabye zinwe ni va ka Levi, na va angarele a timbila ti longiselweko Jehova, leti hosi Davida a nga wa ti mahele ku dumisa Jehova ha tona, vaku: Hakuva a wuxinji gakwe ga kala kupinzuka; laha Davida a nga wa dumisa ha tona Jehova. A vapristi va loba mipunzu na va cuwukene navo, vontlhe va ka Israeli na va yimile,

Ezra 3:11

Zonake vontlhe va lo yimbelela, va dumisa, va bonga Jehova, vaku: Hakunene, i nene, hakuva a kuranza ka wunene gakwe ka Israeli ku simamile kala kupinzuka. A vanhu vontlhe va lo kanyuluka va maha guwa ga hombe hi ku dumisa Jehova, hakuva ku wa akilwe a xiseketelo xa yindlu ya Jehova.

Nehemia 12:40

Zinghaho yi lo yima a mitlawa leyi yimbiri yi nga wa yimbelela lomu ndlwini ya Nungungulu, mina na nzi yimile tlhelo ni khihlanya ga tinduna;

Nehemia 12:43

Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

Tisimu 118:19

Nzi vululeleni a tinyangwa ta kululama, Nzi ta enghena ha tona nzi dumisa Jehova.

Tisimu 119:108

Jehova, amukela a minyikelo yi humako nonwini wa mina, U nzi gonzisa a ziyimiso za wena.

Tisimu 18:49

Hikwalaho nzi ta ku bonga xikari ka matiko, Jehova, Nzi dumisa vito ga wena hi ku yimbelela. Rom. 15:9

Tisimu 50:14

Nyikela ka Nungungulu a miphahlo ya kubonga; U rihela zifungo za wena ka Loyi a Hunzeleleko Kutlakuka. Maheb. 13:15

Tisimu 50:23

Loyi a nyikako muphahlo wa kubonga, i dumisa mina, Ni loyi a lulametako a ndlela yakwe Nzi ta mu kombeta a kuhanyisa ka Nungungulu.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:18

ni vapristi va nga vaLevi, va nga ta vumala a mahlweni ka mina wo nyikela a minyikelo ya kuhiswa, ni ku hisa minyikelo ya tinzhoho, ni ku humesa miphahlo siku ni siku.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Levi 7:12

Loku munhu a wu nyikela kota munyikelo wa kubonga kakwe, zinwe ni muphahlo wa kubonga i ta nyikela ni zikhekhetselo zi nga hiko na comelo, na zi totilwe mafura, ni zibaba za mapa yo saseka ma katingilweko, na ma chelilwe mafura.

Mitsengo 7:62

ni nguwana ya nzalama ya khume ga maxekeli, na yi tele hi libani.

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Luka 10:21

Ka xwalexo xikhati Jesu i lo tsaka hi Moya wa ku Basa, aku ngalo: Nza ku bonga, Dadani, Hosi ya tilo ni misava, hakuva u fihlile a timhaka leti ka titlhari ni lava va pimako, u ti wonekelisa ka lava va tsongwani; Ina, Dadani, hakuva u wa ranza ku maha lezo.

Johani 10:9

Mina nzi nyangwa, loku munhu a enghena ha mina, i ta hanyiswa; i ta enghena a huma, a kuma mikova. Xip. 14:6; Efe. 2:18

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Va le Roma 6:19

Nzi wula hi mawulawulela ya vanhu hi kota ya gome ga nyama ya nwina. Khwatsi hi lezi mu nga nyikela a ziro za nwina a kuva malanza ya kungahlazeki ni ya kubiha mu anza kubiheni, hizalezo makunu nyikelani a ziro za nwina a kuva malanza ya kululama lezaku muya kubasisweni.

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Va le Kolosi 1:12

na mu bonga Dadani, loyi a hi mahileko hi hi ni fanelo a kuva vahlengeli va tshomba ya vobasa le kuwonekeleni. Efe. 1:11; 5:20

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20